அமெரிக்கா-Mexico-கனடா வர்த்தக ஒப்பந்தத்தின் முக்கியத்துவத்தை அமெரிக்க ஜனாதிபதி Donald Trump நிராகரித்தார்.
அமெரிக்காவுக்கு இந்த வர்த்தக ஒப்பந்தம் தேவையில்லை என கூறிய அவர், “கனடா அதை விரும்பும்” என செய்தியாளர்களிடம் தெரிவித்தார்.
Michigan மாநிலத்தில் உள்ள Ford தொழிற்சாலையை அமெரிக்க ஜனாதிபதி செவ்வாய்க்கிழமை (13) பார்வையிட்டார்.
கனடா, Mexico தயாரிப்புகள் எமக்கு தேவையில்லை என தெரிவித்த Donald Trump , அவற்றை அமெரிக்காவில் தயாரிக்க விரும்புகிறோம் எனவும் செய்தியாளர்களிடம் கூறினார்.
CUSMA-வால் அமெரிக்காவிற்கு “உண்மையான நன்மை” எதுவும் இல்லை எனவும் Donald Trump கூறினார்.
இந்த ஆண்டு குறிப்பிட்ட வர்த்தக ஒப்பந்தம் கட்டாய மறு ஆய்வுக்கு வருகிறது.
July மாத காலக்கெடுவிற்கு முன்னதாக January நடுப்பகுதியில் இது குறித்த முறையான பேச்சுவார்த்தைகள் ஆரம்பிக்கவுள்ளது.
LJI Reporter ரம்யா சேது
