முன்னாள் துணைப் பிரதமரின் பதவி விலகல் உக்ரைன் ஆலோசகர் பொறுப்பை ஏற்றுக் கொள்வதோடு ஒத்திசைவதாக பிரதமர் Mark Carney தெரிவித்தார்.
முன்னாள் துணைப் பிரதமர் Chrystia Freeland தனது நாடாளுமன்ற உறுப்பினர் பதவியில் இருந்து உடனடியாக விலகுவதாக அறிவித்தார்.
உக்ரைனின் பொருளாதார ஆலோசகராக Chrystia Freeland திங்கட்கிழமை (05) நியமிக்கப்பட்டார்.
உக்ரைன் ஜனாதிபதி Volodymyr Zelenskyy இந்த நியமனத்தை அறிவித்த சில மணி நேரத்தின் பின்னர் தனது நாடாளுமன்ற உறுப்பினர் பதவியில் இருந்து விலகுவதாக Chrystia Freeland அறிவித்தார்.
உக்ரைனின் நட்பு நாடுகளை பிரான்சில் சந்திக்கும் கனடிய பிரதமர் இந்தப் பதவி விலகல் குறித்து செய்தியாளர்களிடம் பேசினார்.
Ontario மாகாண Toronto நகரில் University-Rosedale தொகுதி Liberal நாடாளுமன்ற உறுப்பினர் Chrystia Freeland அறிவித்துள்ள பதவி விலகல், உக்ரைன் ஜனாதிபதி அறிவித்துள்ள புதிய தன்னார்வ பொருளாதார மேம்பாட்டு ஆலோசகராகப் பணியாற்றுவதற்கு ஒத்திசைவானது என Mark Carney கூறினார்.
நாடாளுமன்றத்தில் Liberal அரசாங்கம் சிறுபான்மை ஆட்சியை தன் வசம் கொண்டுள்ள நிலையில், நாடாளுமன்ற உறுப்பினராக நீடிக்குமாறு Chrystia Freeland-டை தான் கோரவில்லை என பிரதமர் தெரிவித்தார்.
அடுத்த தேர்தலில் போட்டியிடப் போவதில்லை என Chrystia Freeland ஏற்கனவே அறிவித்திருந்தார்.
அவர் எதிர்வரும் July 1-ஆம் திகதி முதல் இங்கிலாந்தின் Oxford-டில் உள்ள உலகளாவிய கல்வி தொண்டு நிறுவனமான Rhodes Trust -இன் தலைமை நிர்வாக அதிகாரியாக பொறுப்பேற்க உள்ளார் என்பது குறிப்பிடத்தக்கது.
உக்ரேனிய வம்சாவளியை கொண்ட Chrystia Freeland, பிரதமர் Justin Trudeau-வின் அரசாங்கத்தில் அமைச்சராகவும் துணைப் பிரதமராகவும் இருந்தார்.
பின்னர் உக்ரைனின் மறுகட்டமைப்புக்கான கனடாவின் சிறப்பு பிரதிநிதியாக பிரதமர் Mark Carney அவரை நியமித்தார்.
