கனடா தனது இறையாண்மைக்கு ஏற்படும் அச்சுறுத்தல்களை தீவிரமாக எடுத்துக் கொள்ள வேண்டும் என ஐக்கிய நாடுகள் சபைக்கான கனடாவின் முன்னாள் தூதர் Bob Rae தெரிவித்தார்.
Venezuela-வில் அமெரிக்காவின் சமீபத்திய இராணுவ நடவடிக்கை Greenland, கனடா ஆகிய நாடுகள் தங்கள் இறையாண்மைக்கு ஏற்படும் அச்சுறுத்தல்களின் தீவிரத்தை கருத்தில் கொள்ள வேண்டும் என்பதை சுட்டிக்காட்டுவதாக அவர் தெரிவித்தார்.
Donald Trump நிர்வாகம் கட்டுப்பாட்டை மீறி நடந்து கொள்வதாக கூறிய Bob Rae, Greenland மீதான தாக்குதல் NATO மீதான தாக்குதலாக இருக்கும், அது நட்பு நாடான Denmark மீதான தாக்குதலாக இருக்கும் என தெரிவித்தார்.
அமெரிக்கப் படைகள் ஒரு இராணுவ நடவடிக்கையில் Venezuelan அதிபரையும் அவரது மனைவியையும் கடந்த சனிக்கிழமை (03) கடத்திச் சென்றனர்.
தேசிய பாதுகாப்பிற்காக, NATO நட்பு நாடான Denmark-கின் தன்னாட்சி பிரதேசமான Greenland-தை கையகப்படுத்த வேண்டும் அமெரிக்க ஜனாதிபதி Donald Trump என பலமுறை அழைப்பு விடுத்துள்ளார்.
கனடாவை அமெரிக்காவின் 51-வது மாநிலமாக மாற்றுவது குறித்தும் வெளிப்படையாக Donald Trump கருத்து தெரிவித்து வந்தார்.
Venezuela-வில் அமெரிக்காவின் இந்த நடவடிக்கைகள், Greenland, கனடாவுக்கு எதிரான அவரது அச்சுறுத்தல்கள் அனைத்தும் ஒரு புதிய அமெரிக்க தேசிய பாதுகாப்பு உத்தியுடன் ஒத்துப்போகின்றன என Bob Rae கூறினார்.
எமது சுயநலத்திற்காக, அமெரிக்காவைத் தடுக்க எம்மால் முடிந்த அனைத்தையும் செய்ய ஏனைய நாடுகளுடன் இணைந்து பணியாற்ற வேண்டியதன் அவசியத்தை அவர் வலியுறுத்தினார்.
August 2020 முதல் November 2025 வரை ஐக்கிய நாடுகள் சபைக்கான கனடாவின் தூதராக பணியாற்றிய Bob Rae, முன்னாள் நாடாளுமன்ற உறுப்பினரும், Ontario மாகாண முதல்வரும் ஆவார்.
LJI Reporter ரம்யா சேது
