Mark Carney அரசாங்கத்தின் வரவு செலவுத் திட்டத்திற்கு ஆதரவாக வாக்களித்தது தவறு என பசுமைக் கட்சித் தலைவர் Elizabeth May தெரிவித்தார்.
இந்தத் தவறு மீண்டும் நிகழாது எனவும் அவர் கூறினார்.
கடந்த மாதம் நடைபெற்ற வரவு செலவுத் திட்ட வாக்கெடுப்பில் Elizabeth May அரசாங்கத்திற்கு ஆதரவாக வாக்களித்தார்.
Mark Carney அரசாங்கம் நம்பிக்கை வாக்கெடுப்பில் வெற்றி பெறுவதற்கும், மீண்டும் ஒரு தேர்தல் நடைபெறாமல் இருப்பதற்கும் இந்த வாக்கு அவசியமானது.
இந்த நிலையில் பிரதமருக்கும் Alberta முதல்வருக்கும் இடையிலான புரிந்துணர்வு ஒப்பந்தத்தை “குறிப்பிடத்தக்க துரோகம்” என Elizabeth May குறிப்பிட்டார்.
இந்த நிலையில் பிரதமரின் வார்த்தைக்குரிய மதிப்பை அவர் கேள்விக்குள்ளாக்கினார்.
வரவு செலவுத் திட்ட வாக்கெடுப்பில் Mark Carney அரசாங்கத்தை ஆதரித்த தவறை தான் மீண்டும் செய்ய மாட்டேன் எனவும் Elizabeth May கூறினார்.
Alberta மாகாணத்துடன் மத்திய Liberal அரசாங்கத்தின் புதிய எரிசக்தி ஒப்பந்தத்திற்கு தனது கடுமையான எதிர்ப்பை வெளிப்படுத்தும் வகையில் Mark Carney அமைச்சரவையில் இருந்து Steven Guilbeault கடத்த வாரம் விலகி இருந்தார் என்பது குறிப்பிடத்தக்கது.
LJI Reporter ரம்யா சேது
