Alberta மாகாண முதல்வர் Danielle Smith திரும்பப் பெறுதல் மனுவை – recall petitions – எதிர்கொள்கிறார்.
Alberta அரசாங்கத்தின் 14 சட்டமன்ற உறுப்பினர்கள் ஏற்கனவே திரும்பப் பெறுதல் மனுக்களை எதிர்கொள்ளும் நிலையில் இந்தப் பட்டியலில் மாகாண முதல்வர் இனைகிறார்.
Brooks–Medicine Hat தொகுதியில் முன்னெடுக்கப்படும் திரும்பப் பெறு நகர்வுக்கு Alberta தேர்தல் திணைக்களம் ஒப்புதல் அளித்துள்ளதாக தெரியவருகிறது.
Alberta தேர்தல் திணைக்களம் இந்த மனுவை இதுவரை பொதுவெளியில் வெளியிடவில்லை என்பது குறிப்பிடத்தக்கது
இந்த திரும்பப் பெறுதல் மனு குறித்து முதல்வர் அலுவலகம் இதுவரை கருத்து எதுவும் வெளியிடவில்லை.
“ஒரு தனிநபர் அரசாங்க கொள்கையுடன் உடன்படவில்லை என்பதற்காக” தேர்தல்களை இரத்து செய்ய திரும்பப் பெறும் செயல்முறையைப் பயன்படுத்தக்கூடாது என ஐக்கிய Conservative கட்சியின் (UCP) சட்டமன்ற உறுப்பினர்கள் குழு ஒரு அறிக்கையில் புதன்கிழமை (03) தெரிவித்தது.
இந்தத் திரும்பப் பெறுதல் மனுக்களை இதுவரை அமைச்சர்கள் Searle Turton, Nathan Neudorf, Rajan Sawhney, Myles McDougall, Dale Nally, RJ Sigurdson, Demetrios Nicolaides ஆகியோருடன் இணை அமைச்சர் Muhammad Yaseen, சட்டமன்ற சபாநாயகர் Ric McIver, துணை சபாநாயகர் Angela Pitt, சட்டமன்ற உறுப்பினர்கள் Jason Stephan, Jackie Lovely, Glenn Van Dijken, Nolan Dyck ஆகியோர் எதிர்கொள்கின்றனர்.
முன்னாள் முதல்வர் Jason Kenney-யின் தலைமையின் கீழ் இருந்த ஐக்கிய Conservative அரசாங்கம் 2021-ஆம் ஆண்டு இந்த திரும்பப் பெறும் சட்டத்தை நிறைவேற்றியது.
இது தொகுதி மக்கள் தங்கள் சட்டமன்ற உறுப்பினர்களை பதவியில் இருந்து நீக்க மனுக்களை தாக்கல் செய்ய அனுமதிக்கிறது.
கடந்த தேர்தலின் போது தேர்தல் தொகுதிகளில் பதிவான வாக்குகளில் குறைந்தது 60 சதவீத வாக்காளர்கள் கையொப்பங்களை சேகரிக்க February 23-ஆம் திகதி வரை அவகாசம் அளிக்கப்பட்டுள்ளது குறிப்பிடத்தக்கது.
LJI Reporter ரம்யா சேது
