அரசியலை விட்டு விலகுவது குறித்து பரிசீலித்து வருவதாக வெளியான செய்திகளை கனடாவின் தொழில்துறை அமைச்சர் மறுத்துள்ளார்.
அமைச்சர் Melanie Joly அரசியலை விட்டு விலகி France-க்கான கனடாவின் தூதராக நியமனம் பெற உள்ளதாக அண்மையில் செய்தி வெளியாகியிருந்தது.
ஆனாலும் இந்த செய்தியை அமைச்சர் Melanie Joly மறுத்துள்ளார்.
Tokyo-வில் புதன்கிழமை (26) செய்தியாளர்களிடம் பேசிய Melanie Joly, France தூதர் பதவியில் தான் ஆர்வம் கொள்ளவில்லை எனக் கூறினார்.
முன்னாள் Liberal அமைச்சர் Stephane Dion தற்போது France-க்கான கனடாவின் தூதராக உள்ளார்.
இந்தப் பதவிக்கு Melanie Joly நியமிக்கப்படுவார் என Toronto Sun பத்திரிகை திங்கட்கிழமை (24) செய்தி வெளியிட்டது.
முன்னாள் துணைப் Chrystia Freeland அடுத்த ஆண்டின் கோடையில் Rhodes அறக்கட்டளையை நிர்வகிக்கும் புதிய பதவியை ஏற்க நியமிக்கப்பட்ட ஒரு வாரத்திற்குள் Melanie Joly-யின் எதிர்காலம் குறித்த கேள்விகள் எழுகின்றன.
முன்னாள் நீதி அமைச்சரும், பிரதமர் Mark Carney -யின் முன்னாள் முதன்மை செயலாளருமான David Lametti கனடாவிற்கான ஐ.நா. தூதராக September மாதம் நியமிக்கப்பட்டார்.
Justin Trudeau அரசின் முன்னாள் இரண்டு அமைச்சர்கள் இருவர் இராஜதந்திர சேவையில் புதிய தொழில்களை தேடுவதாக அண்மைய காலத்தில் தகவல்கள் வெளியாகின.
இந்த ஆண்டு முற்பகுதி வரை பாதுகாப்பு அமைச்சராக பணியாற்றிய Bill Blair, விரைவில் இங்கிலாந்துக்கான உயர் ஸ்தானிகராக பொறுப்பேற்க உள்ளதாக தகவல்கள் வெளியாகின.
ஐரோப்பிய ஒன்றியத்திற்கான தூதராக முன்னாள் எரிசக்தி அமைச்சர் Jonathan Wilkinson பதவி ஏற்க உள்ளதாகவும் கூறப்படுகிறது.
இவர்கள் இருவரும் தொடர்ந்து நாடாளுமன்ற உறுப்பினர்களாக பணியாற்றும் நிலையில் இந்த நியமனங்கள் எதுவும் அறிவிக்கப்படவில்லை.
Melanie Joly அரசியலை விட்டு விலகும் நிலையில் பிரதமர் Mark Carney அரசில் ஒரு அமைச்சரவை மாற்றம் எதிர்வு கூறப்பட்டது.
நத்தாருக்கு முன்னர் இந்த அமைச்சரவை மாற்றம் சாத்தியம் என Toronto Sun பத்திரிகை செய்தி வெளியிட்டது குறிப்பிடத்தக்கது.
LJI Reporter ரம்யா சேது
