Ontario, Quebec மாகாணங்களில் குளிர்கால புயல் உருவாகி வருவதாக வானிலை முன்னறிவிப்பு எச்சரிக்கிறது.
இந்த வாரம் நாட்டின் பல்வேறு பகுதிகளில் தொடர்ச்சியான வானிலை மாற்றங்கள் எதிர்வு கூறப்பட்டுள்ளது.
இது இந்த குளிர்காலத்தின் மிகவும் குளிரான கட்டத்தின் ஆரம்பத்தை குறிக்கலாம் என வானிலை ஆய்வாளர்கள் கூறுகின்றனர்.
Alberta, Saskatchewan மாகாணங்களில் திங்கட்கிழமை (24) கடும் பனிப்பொழிவு எதிர்வு கூறப்பட்டுள்ளது.
சில பகுதிகளில் 20 CM வரையிலான பனிப்பொழிவு எதிர்வு கூறப்பட்டுள்ளது.
இதைவிட மேலும் சக்திவாய்ந்த ஒரு வானிலை மாற்றம் இந்த வாரம் முழுவதும் Ontario, Quebec மாகாணங்களை பாதிக்க உள்ளது.
Ontario-வில் செவ்வாய்க்கிழமை (25) மழை ஆரம்பித்து செவ்வாய் இரவு அது பனிப்பொழிவாக மாறும் என எதிர்வு கூறப்பட்டுள்ளது.
வெள்ளிக்கிழமை (28) இரவுக்குள் சில பகுதிகளில் 30 CM வரை பனிப்பொழிவு எதிர்வு கூறப்பட்டுள்ளது.
இது வழமையான பனிப்பொழிவு எச்சரிக்கைக்கு பதிலாக, சுற்றுச்சூழல் கனடாவால் வெளியிடப்பட்ட குளிர்கால புயல் கண்காணிப்பை தூண்டியுள்ளது.
Ontario மாகாணத்தின் தெற்கே, Toronto, Windsor, Ottawa உள்ளிட்ட நகரங்கள் இந்த வாரம் மழையுடன் ஆரம்பிக்கும்.
தெற்கு Ontario-வில் புதன்கிழமை (26) முதல் வியாழக்கிழமை (27) இரவு வரை பனிப்பொழிவு எதிர்பார்க்கப்படுகிறது.
பின்னர் இது Ontario, Quebec மாகாணங்கள் முழுவதும் விரிவடையும் எனவும் எதிர்வு கூறப்படுகிறது.
இந்த வாரம் முழுவதும் Ontario, Quebec மாகாணங்களில் வெப்பநிலை நகரங்களை பொறுத்து மாற்றமடையும்.
LJI Reporter ரம்யா சேது
