அமெரிக்க ஜனாதிபதியுடன் வர்த்தகப் பேச்சுவார்த்தைகளை மீண்டும் ஆரம்பிக்க அவசரமில்லை என கனடிய பிரதமர் தெரிவித்தார்.
பொருத்தமான போது மீண்டும் ஜனாதிபதியுடன் பேசுவேன் என கனடிய பிரதமர் ஞாயிற்றுக்கிழமை (23) கூறினார்.
அடுத்த இரண்டு வாரங்களில் Donald Trump-புடன் பேசுவேன் என எதிர்பார்ப்பதாக Mark Carney தெரிவித்தார்.
தென்னாப்பிரிக்காவில் நடந்த G20 தலைவர்கள் உச்சி மாநாட்டில் கலந்து கொண்ட Mark Carney அங்கு செய்தியாளர்களிடம் பேசிய போது இந்த கருத்தை தெரிவித்தார்.
அமெரிக்கா மீண்டும் வர்த்தக உரையாடல்களை நடத்த விரும்பினால், நாங்கள் அந்த விவாதங்களை நடத்துவோம் எனவும் பிரதமர் தெரிவித்தார்.
Ontario மாகாண அரசாங்கத்தினால் வெளியிடப்பட்ட கட்டண எதிர்ப்பு விளம்பரம் காரணமாக அமெரிக்க ஜனாதிபதி Donald Trump கடந்த மாதம் பேச்சுவார்த்தைகளை இடை நிறுத்தினார்.
கனடாவுடனான வர்த்தகப் பேச்சுவார்த்தைகளை முடித்துக் கொள்வதாக திடீரென அறிவித்த அமெரிக்க ஜனாதிபதி Donald Trump, கனடாவுக்கு எதிராக மேலதிகமாக 10 சதவீத வரியை அறிவித்தார் என்பது குறிப்பிடத்தக்கது.
LJI Reporter ரம்யா சேது
