Atlantic கனடாவின் முதலாவது பயங்கரவாத குற்றச்சாட்டுகளை P.E.I. நபர் ஒருவர் எதிர்கொள்கிறார்.
50 வயதான Daniel Desmond Crowder என்ற சந்தேக நபரை RCMP கைது செய்துள்ளது.
முப்பரிமாண (3D) வகையில் துப்பாக்கிகளை அச்சிட்ட குற்றச்சாட்டு இவர் மீது சுமத்தப்பட்டுள்ளது.
இந்த ஆண்டு ஆரம்பத்தில் காவல்துறையினர் நடத்திய விசாரணையைத் தொடர்ந்து இந்தக் குற்றச்சாட்டுகள் சுமத்தப்பட்டன.
February 24-ஆம் திகதி ஒருவர் தனிநபர்களையும் அமைப்புகளையும் இணையத்தில் மிரட்டுவதாக கூறப்படும் தகவல் தமக்கு கிடைத்ததாக RCMP அதிகாரிகள் தெரிவித்தனர்.
சந்தேக நபரை February மாதம் கைது செய்த காவல்துறையினர் அவரது இல்லத்தில் இருந்து துப்பாக்கி பாகங்கள் கைப்பற்றப்பட்டதாக கூறப்படுகிறது.
கடந்த கோடையில் இவர் மீது பல குற்றங்கள் சுமத்தப்பட்டன.
தற்போது, 3D-அச்சிடப்பட்ட துப்பாக்கிகளை தயாரித்ததாக இரண்டு புதிய குற்றச்சாட்டுகளை இவர் எதிர்கொள்கிறார்.
Daniel Desmond Crowder தற்போது காவலில் இருப்பதாகவும், பொதுமக்களுக்கு எந்த ஆபத்தும் இருப்பதற்கான ஆதாரங்கள் இல்லை எனவும் RCMP தெரிவித்தது.
இவருக்கு எதிரான குற்றசாட்டுகள் இதுவரை நீதிமன்றத்தில் நிரூபிக்கப்படவில்லை.
LJI Reporter ரம்யா சேது
