மத்திய அரசின் பொது சேவை ஊழியர்கள் குறைப்புகள் குறைந்த அளவில் இருக்கும் என Liberal அரசாங்கத்தின் அவைத் தலைவர் Steven MacKinnon தெரிவித்தார்.
மத்திய வரவு செலவுத் திட்டம் நிறைவேற்றப்பட்ட ஒரு நாளின் பின்னர் இந்த அறிவித்தல் வெளியானது.
பிரதமர் Mark Carney அரசின் முதலாவது வரவு செலவு திட்டத்தை நிதி அமைச்சர் François-Philippe Champagne இந்த மாத ஆரம்பத்தில் சமர்பித்தார்.
இதில் பொது சேவை ஊழியர்கள் எண்ணிக்கையை 40 ஆயிரம் பேரால் குறைக்கும் திட்டம் உள்ளடக்கப்பட்டுள்ளது .
இந்த இலக்கு வேலை குறைப்பு, பணிநீக்கம், முன்கூட்டியே ஓய்வு பெறுதல் மூலம் நடைமுறைப்படுத்தப்படும் என தெரியவருகிறது.
இதன் மூலம் March 2024-இல் 367,772 ஊழியர்களாக இருந்த பொது சேவை ஊழியர்கள் எண்ணிக்கை 2028-29-ஆம் ஆண்டில் 330,000 ஆக குறையும் என எதிர்பார்க்கப்படுகிறது.
ஆனால் கருவூல வாரிய செயலகத்தின் புள்ளிவிவரங்களின்படி, 2024-2025 ஆம் ஆண்டுக்கு இடையில் மத்திய பொது சேவை ஊழியர்கள் எண்ணிக்கை ஏற்கனவே சுமார் 10,000 ஊழியர்களால் குறைக்கப்பட்டுள்ளது,
தொடர்ந்து அடுத்த ஐந்து ஆண்டுகளில் சுமார் 30,000 பணியிடங்கள் குறைக்கப்பட உள்ளது.
சாத்தியமான இந்த வேலை குறைப்பு குறித்து தொழிற்சங்கத்திற்கு எந்த புதிய தகவலும் கிடைக்கவில்லை என கனடா பொது சேவை கூட்டணியின் (PSAC) தலைவர் Sharon DeSousa தெரிவித்தார்.
சிறுபான்மை Liberal அரசின் வரவு செலவுத் திட்டம் திங்கட்கிழமை (17) நிறைவேற்றப்பட்டு வெற்றி பெற்றது குறிப்பிடத்தக்கது.
LJI Reporter ரம்யா சேது
