Swedish நிறுவனமான Saab-பின் Gripen யுத்த விமானங்களில் கனடா ஆர்வம் கொண்டுள்ளது என அமைச்சர் Melanie Joly தெரிவித்தார்.
Sweden Saab நிறுவனத்திடமிருந்து Gripen யுத்த விமானத்தை கொள்வனவு செய்வதில் கனடா ஆர்வம் கொண்டுள்ளது என தொழில்துறை அமைச்சர் Melanie Joly செவ்வாய்க்கிழமை (18) தெரிவித்தார்.
அமெரிக்க நிறுவனமான Lockheed Martin-னிடமிருந்து F-35 யுத்த விமான ஒப்பந்தங்களில் கனடாவின் எதிர்பார்ப்பு பூர்த்தியாகவில்லை எனவும் அவர் மேலும் கூறினார்.
தற்போது 16 விமானங்கள் உற்பத்தியில் உள்ள நிலையில், அமெரிக்காவுடனான அதிகரித்து வரும் பதட்டங்களுக்கு மத்தியில், இந்த ஒப்பந்தத்தை மறு பரிசீலனை செய்வதாக கனடிய மத்திய அரசாங்கம் இலைதுளிர் காலத்தில் அறிவித்தது.
இந்த நிலையில் கனடாவின் தேவைகளைப் பூர்த்தி செய்ய அமெரிக்கத் தயாரிப்பான F-35-களுடன் Sweden Saab விமானங்களை ஒப்பிட முடியும் என Swedish துணைப் பிரதமர் Ebba Busch தெரிவித்தார்.
அமெரிக்காவில் தயாரிக்கப்பட்ட F-35 யுத்த விமானங்களை கொள்வனவு செய்வதற்கான முடிவை கனடா தொடர்ந்து மறுபரிசீலனை செய்து வரும் நிலையில் இந்த விபரம் வெளியானது.
கனடாவுக்கான மூன்று நாள் அரசு முறைப் பயணமாக Swedish அரச குடும்பத்தினர் செவ்வாய்க்கிழமை Ottawa வந்தடைந்தனர்.
Swedish அரசாங்க அதிகாரிகள், நிறுவனங்களின் குழுவில் ஒருவராக துணைப் பிரதமர் Ebba Busch இந்த குழுவில் பயணித்தார்.
பிரதமர் Mark Carney உள்ளிட்டவர்களுடன் சந்திப்பிலும் Swedish துணைப் பிரதமர் ஈடுபட்டிருந்தார்.
Gripen யுத்த விமானங்களை கனடாவில் தயாரிப்பது குறித்து கனடிய தலைவர்களுடன் பேசியதாக Swedish உற்பத்தி நிறுவனமான Saab நிறுவனத்தின் தலைவர் கடந்த வாரம் கூறியிருந்தார் என்பது குறிப்பிடத்தக்கது.
