தமிழ் இளைஞர் ஒருவரின் சடலம் Scarborough பகுதியில் Toronto காவல்துறையினரால் மீட்கப்பட்டது.
கடந்த வாரம் சனிக்கிழமை (08) இவரது சடலம் Markham and Passmore பகுதியில் எரிந்த வாகனம் ஒன்றில் இருந்து மீட்கப்பட்டுள்ளது.
இதில் பலியானவர் கருணாகரன் என நண்பர்களால் தேசியத்திடம் அடையாளம் காணப்பட்டுள்ளார்.
இவரது மரணத்திற்கான காரணத்தை காவல்துறையினர் வெளியிடாத போதிலும், சந்தேக நபர்கள் எவரையும் தேடவில்லை என அவர்கள் தெரிவித்தனர்.
கருணாகரன் 2010-ஆம் ஆண்டு MV Sun Sea கப்பல் மூலம் கனடாவை வந்தடைந்தவர் என தெரியவருகிறது.
2021-ஆம் ஆண்டில் இலங்கை சென்று திருமணம் செய்த அவரது துணைவியார் இந்த ஆண்டின் ஆரம்பத்தில் கனடா வந்தடைந்தார் எனவும் நண்பர்கள் மூலம் தெரியவருகிறது.
