ஆளும் Liberal அரசாங்கம் இரண்டு நாட்களில் இரண்டாவது நம்பிக்கை வாக்கெடுப்பில் வெற்றி பெற்றது.
வரவு செலவுத் திட்டம் மீதான Bloc Quebecois கட்சியின் திருத்தம் வெள்ளிக்கிழமை (07) பிற்பகல் வாக்கெடுப்புக்கு வந்தது.
இது இந்த வரவு செலவுத் திட்டம் குறித்து Liberal அரசாங்கம் எதிர்கொள்ளும் இரண்டாவது நம்பிக்கை வாக்கெடுப்பாகும்.
இதில் Conservative கட்சி, Liberal அரசாங்கத்துடன் இணைந்து வாக்களித்தது.
Bloc Quebecois கட்சியின் திருத்தத்திற்கு எதிராக 307 வாக்குகள், அதற்கு ஆதரவாக 30 வாக்குகள் பதிவானது.
இதன் மூலம் இரண்டு தினங்களில் இரண்டு நம்பிக்கை வாக்கெடுப்புகளில் Liberal அரசாங்கம் வெற்றி கொண்டுள்ளது.
பிரதமர் Mark Carney அரசின் முதலாவது வரவு செலவு திட்டத்தை நிதி அமைச்சர் François-Philippe Champagne செவ்வாய்க்கிழமை (04) சமர்பித்தார்.
Pierre Poilievre தலைமையிலான Conservative கட்சி, துணைத் திருத்தத்தின் மூலம் இந்த வரவு செலவுத் திட்டத்தை நிராகரிக்க அழைப்பு விடுத்தது.
வியாழக்கிழமை (06) இரவு நடைபெற்ற இந்த நம்பிக்கை வாக்கெடுப்பில் சிறுபான்மை Liberal அரசாங்கம் வெற்றி பெற்றது.
பொருளாதாரத் திட்டங்களை நிராகரிக்க Conservative கட்சி மேற்கொண்ட முயற்சியை Liberal, NDP, Bloc Quebecois, பசுமை கட்சி நாடாளுமன்ற உறுப்பினர்கள் இணைந்து தோற்கடித்தனர்.
இதனை ஒரு நம்பிக்கை வாக்கெடுப்பாக மாற்ற அரசாங்கம் இறுதி நேரத்தில் முடிவு செய்தது.
வெள்ளிக்கிழமை நடைபெற்ற வாக்கெடுப்பையும் நம்பிக்கை வாக்கெடுப்பாக மாற்ற அரசாங்கம் முடிவு செய்தது.
இந்த தீர்மானத்தை பிரதமர் Mark Carney எடுத்ததாக அரசாங்க அவைத் தலைவர் கூறினார்.
அரசாங்கம் நம்பிக்கை வாக்கெடுப்பில் தோற்றால், அது பொதுவாக ஒரு தேர்தலை தூண்டும் சாத்தியக்கூறு உள்ளது குறிப்பிடத்தக்கது.
Liberal அரசாங்கத்தின் வரவு செலவுத் திட்டம் November 17-ஆம் திகதி ஆரம்பாகும் வாரத்தில் வாக்கெடுப்புக்கு வரும் என எதிர்பார்க்கப்படுகிறது.
