Toronto நகரசபை உறுப்பினர் இடைத்தேர்தலில் போட்டியிடும் தனது எண்ணத்தை தமிழரான ராஜ் தவரட்ணசிங்கம் கைவிட்டுள்ளார்.
இந்த இடைத்தேர்தலில் போட்டியிடுவதற்கான வேட்பு மனுவை ஐந்தாவது தமிழராக ராஜ் தவரட்ணசிங்கம் இந்த வாரம் தாக்கல் செய்திருந்தார்.
செவ்வாய்க்கிழமை (12) தனது வேட்புமனுவை தாக்கல் செய்த ராஜ் தவரட்ணசிங்கம் வெள்ளிக்கிழமை (15) அதை மீளப் பெற்றுள்ளார்.
Scarborough-Rouge Park தொகுதியின் நகரசபை உறுப்பினர் Jennifer McKelvie, கடந்த பொதுத் தேர்தலில் போட்டியிட்டு Ajax தொகுதியில் வெற்றி பெற்ற நிலையில் இந்த தொகுதி வெற்றிடமானது.
இங்கு Toronto நகர சபை உறுப்பினர் இடைத்தேர்தல் அறிவிக்கப்பட்டது.
இதில் நான்கு தமிழர்கள் உட்பட மொத்தம் 20 வேட்புமனுக்கள் தாக்கல் செய்யப்பட்டுள்ளன.
இந்த இடைத் தேர்தலில் போட்டியிடும் வகையில் அனு ஸ்ரீஸ்கந்தராஜா, நீதன் சான், சியான் சின்னராஜா, அனிதா ஆனந்தராஜன் ஆகிய தமிழர்கள் வேட்பு மனு தாக்கல் செய்துள்ளனர்.
இந்த இடைத் தேர்தலுக்கான வேட்புமனு வெள்ளிக்கிழமை (15) பிற்பகல் 2 மணி வரை ஏற்றுக் கொள்ளப்படுகிறது.
இடைத் தேர்தல் வாக்களிப்பு September 29-ஆம் திகதியும், முன்கூட்டிய வாக்களிப்பு September 20, 21-ஆம் திகதிகளிலும் நடைபெறும் .
இந்த இடைத்தேர்தல் $550,000 செலவில் நடைபெறுகிறது என்பது குறிப்பிடத்தக்கது.
