Toronto Blue Jays அணி முதல் முறையாக World Series தொடரில் ஏழாவது ஆட்டத்தில் போட்டியிடுகிறது.
World Series 2025 தொடர் இறுதி ஆட்டத்தில் தீர்மானிக்கப்படவுள்ளது.
இம்முறை World Series தொடரில் Blue Jays அணியும் Los Angeles Dodgers அணியும் எதிர்கொள்கின்றன.
ஏழு ஆட்டங்கள் கொண்ட தொடர் 3-க்கு 3 என்ற நிலையில் சமமாக உள்ளது.
இந்த நிலையில் தொடரின் ஏழாவதும், இறுதியுமான ஆட்டம் சனிக்கிழமை (01) இரவு Rogers மைதானத்தில் நடைபெறுகிறது.
இதன் மூலம் March 18 அன்று Tokyo-வில் ஆரம்பித்த இந்த ஆண்டுக்கான Baseball ஆட்டங்கள், சனி இரவுடன் கனடாவில் முடிவடைகிறது.
இந்த ஆட்டத்தில் Blue Jays அணியின் ஆரம்ப பந்துவீச்சாளராக Max Scherzer அறிவிக்கப்பட்டுள்ளார்.
வெற்றி தோல்வியை நிர்ணயிக்கும் இந்த இறுதி ஆட்டத்தில் வெற்றி பெறும் அணி World Series பட்டத்தை வெற்றி பெறும் என்பது குறிப்பிடத்தக்கது.
Blue Jays அணி மூன்று தசாப்தங்களில் முதல் முறையாக World Series தொடரில் போட்டியிடுகிறது.
Dodgers அணி கடந்த ஆண்டு World Series தொடரில் வெற்றி பெற்றது.
