Toronto Blue Jays அணி World Series பட்டத்தை வெள்ளிக்கிழமை (31) வெற்றி பெறும் சாத்தியக்கூறு தோன்றியுள்ளது.
World Series 2025 தொடரை வெற்றி பெறுவதற்கு Blue Jays அணி மேலும் ஒரு ஆட்டத்தில் வெற்றி பெற வேண்டிய நிலை உள்ளது.
World Series தொடரில் ஐந்தாவது ஆட்டத்தில் Blue Jays அணி புதன்கிழமை (29) வெற்றி பெற்றது.
இந்த வெற்றியின் மூலம் ஏழு ஆட்டங்கள் கொண்ட தொடரில் 3 க்கு 2 என்ற நிலையில் Blue Jays அணி முன்னிலையில் உள்ளது.
இம்முறை World Series தொடரில் Blue Jays அணியும் Los Angeles Dodgers அணியும் எதிர்கொள்கின்றன.
இந்த தொடரின் முதலாவது, நான்காவது ஆட்டங்களில் Blue Jays அணியும், இரண்டாவது, மூன்றாவது ஆட்டங்களில் Dodgers அணியும் வெற்றி பெற்றது.
ஐந்தாவது ஆட்டம் புதன்கிழமை இரவு Dodger மைதானத்தில் நடைபெற்றது.
இந்த ஆட்டத்தில் 6 க்கு 1 என்ற ஓட்ட வித்தியாசத்தில் Blue Jays அணி வெற்றி பெற்றது.
இந்த தொடரின் ஆறாவது ஆட்டம் வெள்ளிக்கிழமை இரவு Rogers மைதானத்தில் நடைபெறுகிறது.
இந்த ஆட்டத்தில் வெற்றி பெற்றால் Blue Jays அணி World Series பட்டத்தை வெற்றி பெறும்.
தேவை ஏற்படின் ஏழாவது ஆட்டம் சனிக்கிழமை (01) மீண்டும் Rogers மைதானத்தில் நடைபெற ஏற்பாடாகியுள்ளது.
Blue Jays அணி மூன்று தசாப்தங்களில் முதல் முறையாக World Series தொடரில் போட்டியிடுகிறது.
ஏழு ஆட்டங்கள் கொண்ட இந்தத் தொடரில் நான்கு ஆட்டங்களை வெற்றி பெறும் அணி, World Series பட்டத்தை வெற்றி பெறும் என்பது குறிப்பிடத்தக்கது.
