Newfoundland and Labrador மாகாணசபை தேர்தலில் Progressive Conservative கட்சி வெற்றி பெற்றது.
இந்தத் தேர்தல் வாக்குப்பதிவு செவ்வாய்க்கிழமை (14) நடைபெற்றது.
இதில் Progressive Conservative கட்சி Tony Wakeham தலைமையில் பெரும்பான்மை ஆசனங்களைப் பெற்று வெற்றி பெற்றது.
Progressive Conservative கட்சி 40 ஆசனங்களில் 21 ஆசனங்களை வெற்றி பெற்றது அல்லது முன்னணியில் உள்ளது.
Liberal கட்சி 15 ஆசனங்களை வெற்றி பெற்றது அல்லது முன்னணியில் உள்ளது.
NDP இரண்டு ஆசனங்களை வெற்றி பெற்றது அல்லது முன்னணியில் உள்ளது.
இரண்டு சுயேச்சை உறுப்பினர்கள் இந்தத் தேர்தலில் வெற்றி பெற்றனர்.
Progressive Conservative கட்சி 44.37 சதவீத வாக்குகளைப் பெற்று அதிக எண்ணிக்கையில் மக்கள் ஆதரவு வாக்குகள் பெற்றனர்.
Liberal கட்சி 43.43 சதவீத மக்கள் ஆதரவு வாக்குகள் பெற்றனர்.
இந்தத் தேர்தலை NDP கட்சி Jim Dinn தலைமையில், Liberal கட்சி John Hogan தலைமையில், Progressive Conservative கட்சி Tony Wakeham தலைமையில் எதிர்கொண்டது.
இந்தத் தேர்தல் Liberal தலைமைத்துவம் குறித்த வாக்கெடுப்பாக இருக்கும் என தான் நம்புவதாக Jim Dinn கூறியிருந்தார்.
ஆனால் மாற்றத்திற்கான நேரம் இதுவாகும் என்பது Tony Wakeham-மின் பிரதான பிரச்சார செய்தியானது.
கனடாவின் கிழக்கு மாகாணத்தில் ஒரு தசாப்த காலமாக Liberal கட்சி ஆட்சியில் இருந்தது.
10 ஆண்டுகளுக்கும் மேலான Progressive Conservative ஆட்சியின் பின்னர், 2015-ஆம் ஆண்டில் Liberal கட்சி, சட்டமன்றத்தில் 40 இடங்களில் 31 ஆசனங்களை வெற்றி பெற்றனர்.
ஆனால் இந்த ஆண்டு தேர்தல் பிரச்சாரம் ஆரம்பித்த போது, Liberal கட்சி 40 இடங்களில் 19 ஆசனங்களையும், Progressive Conservative கட்சி 14 ஆசனங்களையும் தம்வசம் வைத்திருந்தனர்.
இந்த வருடம் Newfoundland and Labrador மாகாணத்தில் நடைபெற்ற மூன்றாவது தேர்தல் இதுவாகும்.
கடந்த April மாதத்தில் ஒரு பொதுத் தேர்தலும், இந்த மாத ஆரம்பத்தில் நகரசபைத் தேர்தலும் நடைபெற்றது.
2021 மாகாணசபைத் தேர்தலில் 51 சதவீத வாக்குகள் பதிவானது குறிப்பிடத்தக்கது.
