கனடாவை அமெரிக்காவின் 51-வது மாநிலமாக இணைக்க அமெரிக்க ஜனாதிபதி மீண்டும் வலியுறுத்தினார்.
பெயர் குறிப்பிடப்படாத சில கனடிய அதிகாரிகளிடம், அமெரிக்காவுடன் 51-வது மாநிலமாக இணைவது குறித்து பரிசீலிக்க வேண்டும் என கூறியதாக Donald Trump செவ்வாய்க்கிழமை (30) தெரிவித்தார்.
அமெரிக்கா Golden Dome ஏவுகணை பாதுகாப்பு திட்டத்தை உருவாக்கி வருவதாக கூறிய Donald Trump, அமெரிக்காவின் ஒரு பகுதியாக மாறினால் கனடாவும் இதில் பாதுகாக்கப்படும் என தெரிவித்தார்.
இரண்டு நாடுகளையும் ஒன்றாக இணைப்பது அர்த்தமுள்ளதாக அமையும் எனவும் அவர் கூறினார்.
இதன் மூலம் அமெரிக்காவின் 51-வது மாநிலமாக கனடா இணைவது குறித்த தனது கருத்தை Donald Trump மீண்டும் வலியுறுத்தினார்.
இந்த ஆண்டின் ஆரம்பத்தில் அவர் முன்வைத்த இந்தக் கருத்து Mark Carney பிரதமரான பின்னர் கைவிடப்பட்டது குறிப்பிடத்தக்கது.
