கனடிய பிரதமரின் சர்வதேச பயணங்கள் விமர்சனங்களையும் பாராட்டுகளையும் ஈர்த்து வருகிறது.
பிரதமராக பதவியேற்றதிலிருந்து Mark Carney தனது 13- வது வெளிநாட்டுப் பயணமாக இந்த வாரம் இங்கிலாந்து பயணித்தார்.
Conservative தலைவர் Pierre Poilievre பிரதமரின தொடர் பயணங்களை சமூக ஊடகங்களில் விமர்சித்துள்ளார்.
வரி செலுத்துவோர் நிதியில் Mark Carney மீண்டும் ஒரு பயணத்தை ஆரம்பித்துள்ளார் என Pierre Poilievre தனது விமர்சனத்தில் குறிப்பிட்டுள்ளார்.
பிரதமராக பதவியேற்று ஆறு மாதங்களுக்குப் பின்னர் குற்றம், வரிகள், பணவீக்கம், பற்றாக்குறை, குடியேற்றம் என அனைத்தும் கனடாவில் கட்டுப்பாட்டை மீறிச் செல்கின்றன எனவும் Pierre Poilievre கூறினார்.
ஆனால் பிரதமரின் இந்த பயணங்களை சர்வதேச விவகார நிபுணர்கள் பாராட்டி வருகின்றனர்.
ஜனாதிபதி Donald Trump தலைமையில் அமெரிக்கா நம்பகத்தன்மையற்றதாக மாறி வரும் நிலையில், பல வர்த்தக உறவுகளை வலுப்படுத்துவதற்காக Mark Carney இந்த பயணங்களை முன்னெடுப்பதாக சர்வதேச விவகார நிபுணர்கள் கூறினர்.
இது இன்றைய உலக நியதியில் கனடாவுக்கு அவசியமானது என அவர்கள் தெரிவித்தனர்.
