பிரதமர் Mark Carney அரசின் வரவு செலவுத் திட்டம் November மாதம் சமர்ப்பிக்கப்படும்.
நிதியமைச்சர் Francois-Philippe Champagne இந்தத் தகவலை வெளியிட்டார்.
November 4-ஆம் திகதி புதிய வரவு செலவுத் திட்டம் சமர்ப்பிக்கப்படும் என செவ்வாய்க்கிழமை (16) கேள்வி நேரத்தில் அவர் அறிவித்தார்.
இந்த சிறந்த வரவு செலவுத் திட்டத்தை கனடாவின் எதிர்காலத்தில் ஒரு “தலைமுறை முதலீடு” என அவர் வர்ணித்தார்.
நீண்டகாலமாக எதிர்பார்க்கப்பட்ட இந்த வரவு செலவுத் திட்டம், பிரதமர் Mark Carney அரசின் முதலாவது வரவு செலவுத் திட்டமாகும்.
நிதியமைச்சராக Francois-Philippe Champagne சமர்ப்பிக்கும் முதலாவது வரவு செலவுத் திட்டமும் இதுவாகும்.
பொதுவாக வசந்த காலத்தில் முன்வைக்கப்படும் வரவு செலவுத் திட்டத்தை Liberal அரசாங்கம் இலையுதிர் காலம் வரை தாமதப்படுத்தினர்.
நாடாளுமன்றத்தின் இலையுதிர் கால கூட்டத் தொடரில் இந்த வரவு செலவுத் திட்டத்தை நிறைவேற்ற, சிறுபான்மை Liberal அரசாங்கத்திற்கு குறைந்தபட்சம் ஒரு கட்சியின் ஆதரவு தேவைப்படும்.
இந்த வரவு செலவுத் திட்டம் மத்திய அரசின் பற்றாக்குறையை அதிகரிக்கும் என எதிர்பார்க்கப்படுகிறது.
