கனடாவின் 45வது தேர்தலுக்கான செலவு முந்தைய தேர்தலை விடக் குறைவானது என தெரிவிக்கப்படுகிறது.
இந்தத் தேர்தலில் வாக்காளர் நடத்தையில் மாற்றங்கள் பதிவாகியுள்ளதாக கனடிய தேர்தல் திணைக்களம் தெரிவித்தது.
கனடியர்கள் முன்கூட்டிய வாக்களிப்பில் அதிகம் பங்கேற்பதாக குறிப்பிடும் தேர்தல் திணைக்களம் அதற்கு ஏற்ப மாற வேண்டிய அவசியத்தை வலியுறுத்தியது.
April 28 தேர்தலுக்கு $570 மில்லியன் செலவாகியுள்ளதாக மதிப்பிடப்பட்டுள்ளது.
இது 2021 இலையுதிர் காலத்தில் நடைபெற்ற 44-வது பொதுத் தேர்தலுக்கான $574.2 மில்லியன் செலவை விடக் குறைவானதாகும்.
இந்தத் தேர்தலில் மிக முக்கியமான மாற்றமாக முன்கூட்டிய வாக்களிப்பு அமைகிறது.
April தேர்தலில் 19.8 மில்லியன் கனடியர்கள் வாக்களித்தனர்.
இது பதிவு செய்யப்பட்ட வாக்காளர்களில் 69 சதவீதத்தை பிரதிநிதித்துவப்படுத்துகிறது.
அந்த எண்ணிக்கையில், 44 சதவீத கனடியர்கள் முன்கூட்டியே நடத்தப்பட்ட வாக்கெடுப்புகளிலோ அல்லது அஞ்சல் மூலமாகவோ வாக்களித்தனர்.
இந்த மாற்றம் முன்கூட்டிய வாக்களிப்பில் அதிக வளங்களைச் செலவிட தேர்தல் திணைக்களத்தின் மீது அழுத்தம் கொடுக்கிறது என கனடாவின் தலைமை தேர்தல் அதிகாரி Stephane Perrault கூறினார்.
36 நாட்கள் கொண்ட குறுகிய தேர்தல் காலத்தில் இது சவாலானது என அவர் தெரிவித்தார்.
