Scarborough Town Centre வணிக வளாகத்தில் நிகழ்ந்த 19 வயது இளைஞனின் மரணம் கொலை எனக் கருதப்படுகிறது.
வணிக வளாகத்தில் வியாழக்கிழமை (21) நிகழ்ந்த மரணம் குறித்து Toronto காவல்துறையினர் விசாரணைகளை முன்னெடுக்கின்றனர்.
இதில் பலியானவர் 19 வயது டானியல் அமலதாஸ் என சனிக்கிழமை (23) வெளியிடப்பட்ட செய்திக் குறிப்பில், காவல்துறையினர் தெரிவித்தனர்.
வணிக வளாகத்தின் கழிப்பறையில் ஒருவர் துப்பாக்கியுடன் இறந்த நிலையில் காணப்பட்டதை அடுத்து, காவல்துறையினர் விசாரணையை ஆரம்பித்தனர்.
இந்த நிலையில் இவரது மரணம் ஒரு கொலை என காவல்துறை தெரிவித்துள்ளது.
இந்த ஆண்டில் Toronto நகரத்தின் 27-ஆவது கொலை இதுவாகும்.
இவரது மரணத்திற்கான காரணம் இதுவரை வெளியிடப்படவில்லை.
ஆனால் அவர் சுடப்பட்டதாக காவல்துறையினர் முன்னர் கூறியிருந்தனர்.
இதில் சந்தேக நபர் குறித்த தகவல்கள் எதுவும் காவல்துறையினரால் வெளியிடப்படவில்லை.
இந்த சம்பவம் குறித்து தகவல் அறிந்தவர்கள் காவல்துறையினரை தொடர்பு கொள்ளுமாறு கோரப்பட்டுள்ளனர்.
