Ontario மாகாணத்தின் Pickering நகரில் வயதான பெண் ஒருவர் வியாழக்கிழமை (29) பிற்பகல் கத்தியால் குத்தப்பட்டு உயிரிழந்தார்.
இந்த சம்பவத்தில் ஒரு வயதான பெண்ணை அடையாளம் தெரியாத ஒரு ஆண் கத்தியால் குத்தியுள்ளார்.
அவர் சம்பவ இடத்தை விட்டு தப்பிச் சென்றுள்ளார்.
இதையடுத்து, Durham பிராந்திய காவல்துறையினர் அவசர எச்சரிக்கை ஒன்றை விடுத்தனர்.
இந்தக் கொலை தொடர்பாக தேடப்படும் அடையாளம் வெளியிடப்படாத ஆண் குறித்து இந்த அவசர எச்சரிக்கை வெளியிடப்பட்டுள்ளது.
தவிரவும் குடியிருப்பாளர்களை தங்கள் இடங்களில் பாதுகாப்பாக இருக்குமாறும் காவல்துறையினர் அறிவுறுத்தியுள்ளனர்.
இந்த சந்தேக நபரை தேடும் பணி தொடர்வதால், Pickering நகரம் அனைத்து நகர கட்டிடங்களையும் மூடியுள்ளது.
காவல்துறையினர் விசாரணைகள் தொடரும் நிலையில் சந்தேக நபரின் புகைப்படம் எதுவும் காவல்துறையினரால் வெளியிடப்படவில்லை.
