கனடா ஒரு இறையாண்மை கொண்ட நாடு என பிரதமர் Mark Carney மீண்டும் தெரிவித்தார் .
Golden Dome அமைப்பில் கனடா பங்கேற்பதற்கு $61 பில்லியன் செலவாகும் என அமெரிக்க ஜனாதிபதி Donald Trump அறிவித்தார்.
கனடா அமெரிக்காவில் ஒரு நாடாக இணைய ஒப்புக் கொள்ளாவிட்டால், இந்த ஏவுகணை பாதுகாப்பு கேடயம் மிகப்பெரிய செலவை ஏற்படுத்தும் என அவர் கூறினார்.
கனடிய நாடாளுமன்ற அமர்வை ஆரம்பித்து மன்னர் மூன்றாம் சார்லஸ் சிம்மாசன உரை நிகழ்த்திய சில மணி நேரங்களுக்கு பின்னர் ஜனாதிபதியின் இந்தக் கருத்து வெளியானது.
தனது உரையில், மன்னர் கனடாவின் இறையாண்மையை மீண்டும் வலியுறுத்தினார்.
“இரு இறையாண்மை கொண்ட நாடுகளுக்கும் ஒரு புதிய பொருளாதார, பாதுகாப்பு உறவை வரையறுக்க ஆரம்பித்துள்ளன” என மன்னர் தனது உரையில் கூறினார்.
ஒவ்வொரு சந்தர்ப்பத்திலும், ஜனாதிபதியுடனான தனது உரையாடல்களிலும், கனடா ஒரு சுதந்திரமான, இறையாண்மை கொண்ட நாடு என்பதை பிரதமர் Mark Carney தெளிவுபடுத்தியுள்ளதை பிரதமர் அலுவலகம் வலியுறுத்தியது.
