புதிய நாடாளுமன்றத்தின் சபாநாயகராக Francis Scarpaleggia தேர்ந்தெடுக்கப்பட்டார்.
கனடிய நாடாளுமன்றத்தின் புதிய அமர்வு திங்கட்கிழமை (26) ஆரம்பமானது.
சபை அமர்வின் முதலாவது நிகழ்வாக புதிய சபாநாயகர் தேர்தெடுக்கப்பட்டார்.
Liberal கட்சியைச் சேர்ந்த நாடாளுமன்ற உறுப்பினர் Francis Scarpaleggia சபாநாயகராகத் தேர்ந்தெடுக்கப்பட்டார்.
Montreal நகரின் of Lac–Saint–Louis தொகுதி நாடாளுமன்ற உறுப்பினரான இவர் 2004 ஆம் ஆண்டு முதல் நாடாளுமன்ற உறுப்பினராக உள்ளார்.
இரகசிய தரவரிசை வாக்கெடுப்பில் சபையின் அண்மைய சபாநாயகர் Greg Fergus உட்பட ஐந்து Liberal நாடாளுமன்ற உறுப்பினர்களை எதிர்த்து Francis Scarpaleggia போட்டியிட்டார்.
சபாநாயகர் பதவிக்கான போட்டியில் இரண்டு Conservative நாடாளுமன்ற உறுப்பினர்கள் தங்கள் பெயர்களை முன்வைத்தனர்.
ஆனால் திங்கட்கிழமை நடைபெற்ற வாக்கெடுப்புக்கு முன்னதாக அவர்கள் போட்டியில் இருந்து விலகினார்.
சபாநாயகர்கள் பாரபட்சமற்ற முறையில் செயல்பட வேண்டும் என்பது விதிமுறையாகும்.
இந்தப் பதவியில், சபாநாயகர் ஒருபோதும் விவாதத்தில் பங்கேற்பதில்லை, மேலும் சமநிலை ஏற்பட்டால் மட்டுமே வாக்களிப்பில் பங்கேற்பார்.
பெரும்பான்மைக்கு மூன்று ஆசனங்கள் குறைவான நிலையில் 169 ஆசனங்களுடன் Liberal கட்சிக்கு உள்ளது.
Conservative கட்சி ஆளும் Liberal கட்சியை விட 25 ஆசனங்கள் குறைவான நிலையில் 144 ஆசனங்களை கொண்டுள்ளது.
கட்சி சார்பற்ற சபாநாயகர் பதவிக்கு Liberal நாடாளுமன்ற உறுப்பினர் தெரிவாகியுள்ளது அந்தக் கட்சிக்கு ஒரு வாக்கை குறைத்துள்ளது.
