Ontario மாகாணத்தின் London நகருக்கு அருகே நிகழ்ந்த வாகன விபத்தில் ஐவர் உயிரிழந்தனர்.
வெள்ளிக்கிழமை (23) பல வாகனங்கள் விபத்துக்குள்ளானதில் இவர்கள் பலியானதாக Ontario மாகாண காவல்துறை (OPP) தெரிவித்துள்ளது.
வெள்ளி மாலை, நான்கு மாணவர்களை ஏற்றிச் சென்ற உயர்நிலைப் பாடசாலை ஆசிரியர் ஓட்டிச் சென்ற SUV வாகனம், tractor trailer ஒன்றுடன் மோதியதில் இந்த விபத்து நிகழ்ந்தது.
இதில் SUV வாகனத்தில் பயணித்த ஐந்து பேரும் உயிரிழந்தனர்.
இவர்கள் Dorchester-ரில் நடந்த பாடசாலை softball போட்டியில் இருந்து Walkerton-னுக்கு வீடு திரும்பிக் கொண்டிருந்த போது இந்த விபத்து நிகழ்ந்தது.
இதில் பலியானவர்களின் பெயர் விபரங்களை OPP வெளியிடவில்லை,
ஆனால் அவர்களின் பெயர்களையும் புகைப்படங்களையும் நண்பர்கள் மூலம் ஊடகங்கள் உறுதிப்படுத்தியுள்ளன.
பலியான ஆசிரியர் 33 வயதான Matt Eckert என அடையாளம் காணப்பட்டுள்ளார்.
நான்கு மாணவர்களும் Olivia Rourke, Rowan McLeod, Kaydance Ford, Danica Baker என அடையாளம் காணப்பட்டுள்ளனர்.
இவர்களுக்காக அவர்களின் பாடசாலையில் ஞாயிற்றுக்கிழமை (25) மாலை மெழுகுவர்த்தி ஏந்தி அஞ்சலி செலுத்தப்பட்டது.
