Ottawa தொகுதியில் Conservative கட்சித் தலைவர் Pierre Poilievre தோல்வியடைந்தார்.
கனடிய பொதுத் தேர்தல் வாக்குப்பதிவு திங்கட்கிழமை (28) நடைபெற்றது.
இதில் Carleton தொகுதியில் போட்டியிட்ட Pierre Poilievre தோல்வியடைந்தார்.
இதுவரை வெளியான உத்தியோகபற்றற்ற முடிவுகளின் அடிப்படையில் இந்தத் தொகுதியின் Liberal வேட்பாளர் Bruce Fanjoy 42,374 (50.6%) வாக்குகளையும், Conservative தலைவர் 38,581 (46.1%) வாக்குகளையும் பெற்றுள்ளனர்.
இதன் மூலம் Ottawa பகுதியில் நாடாளுமன்ற உறுப்பினராக இருந்த அவரது இரண்டு தசாப்த பதவி காலம் முடிவுக்கு வந்தது.
இந்தத் தேர்தலில் Conservative கட்சி தனது நாடாளுமன்ற உறுப்பினர்களின் எண்ணிக்கையையும் வாக்கு சதவீதத்தையும் அதிகரித்த போதிலும் Liberal கட்சியிடம் தோல்வியடைந்தது.
இந்த நிலையில் கட்சியின் தலைவராக Pierre Poilievre-ரின் எதிர்காலம் குறித்த கேள்விகள் எழுந்துள்ளன.
முன்னதாக தேர்தல் இரவில் உரையாற்றிய Pierre Poilievre, கட்சியின் தலைமை பதவியில் தொடர்ந்து நீடிக்க விரும்புவதாக தெரிவித்தார்.
Carleton தொகுதியில் 79 சதவீத வாக்குகள் பதிவாகியுள்ளதாக முதற்கட்ட புள்ளிவிவரங்கள் தெரிவிக்கின்றன.
