கனடிய பொதுத் தேர்தலில் 19.2 மில்லியனுக்கும் அதிகமானவர்கள் வாக்களித்தனர்.
திங்கட்கிழமை (28) நடைபெற்ற கனடிய பொதுத் தேர்தலில் தகுதி பெற்ற வாக்காளர்களில் 67 சதவீதத்துக்கும் அதிகமானோர் வாக்களித்ததாக தேர்தல் திணைக்களம் தெரிவித்துள்ளது.
இந்த தேர்தலில் வாக்குப்பதிவு அதிகரிக்கும் என பரவலாக எதிர்பார்க்கப்பட்டது
ஆனாலும் March 1958-இல் பதிவான 79.4 வாக்குப்பதிவை இந்தத் தேர்தல் முறியடிக்கவில்லை.
கடந்த பொதுத் தேர்தலை விட இம்முறை வாக்குப்பதிவு அதிகமாக இருந்தது.
2021 பொதுத் தேர்தலில் 62.6 சதவீத தகுதி பெற்ற வாக்காளர்கள் வாக்களித்தனர்.
வாக்குகள் தொடர்ந்து எண்ணப்பட்டு வரும் நிலையில், வாக்குப்பதிவு சதவீதம் இன்னும் அதிகரிக்க வாய்ப்பு உள்ளது.
இதுவரை எண்ணப்பட்ட வாக்குகளில் Liberal கட்சி தற்போது 43.6 சதவீத வாக்குகளுடன் 169 ஆசனங்களை பெற்று முன்னிலை வகிக்கிறது.
Conservative கட்சி 41.4 சதவீத வாக்குகளையும் 144 ஆசனங்களையும் பெற்றுள்ளது.
Bloc Québécois 6.4 சதவீத வாக்குகளையும் 22 ஆசனங்களையும் கைப்பற்றியது.
NDP 6.3 சதவீத வாக்குகளைப் பெற்று தற்போது ஏழு ஆசனங்களை தனதாக்கியுள்ளது.
