பொதுத் தேர்தல் பிரச்சாரத்தின் இறுதி நாளான ஞாயிற்றுக்கிழமை (27) Liberal கட்சி, Conservative கட்சியை விட நான்கு புள்ளிகள் முன்னிலையில் உள்ளது.
தேர்தல் பிரச்சாரத்தின் 36-ஆவது நாளில் மக்கள் கருத்துக் கணிப்பில், Liberal கட்சி Conservative கட்சியை விட நான்கு புள்ளிகள் முன்னிலையில் உள்ளது.
April 24-26 திகதிகளில் நடத்தப்பட்ட கருத்துக் கணிப்பில், Liberal கட்சி Conservative கட்சியை விட மக்கள் கருத்து கணிப்பில் முன்னிலையில் உள்ளது.
தேசிய அளவில் Liberal கட்சியின் ஆதரவு 43 சதவீதமாகவும், Conservative கட்சியின் ஆதரவு 39 சதவீதமாக உள்ளது.
புதிய ஜனநாயகக் கட்சி (NDP) 8 சதவீதத்துடன், Bloc Quebecois 6 சதவீதத்துடன், பசுமைக் கட்சி 3 சதவீதத்துடன், கனடா மக்கள் கட்சி 1 சதவீதத்துடன் உள்ளன.
இந்த நிலையில் நாடளாவிய ரீதியில் Liberal கட்சி 186 ஆசனங்களையும், Conservative 126 ஆசனங்களையும், Bloc Quebecois 23 ஆசனங்களையும், NDP 7 ஆசனங்களையும், பசுமைக் கட்சி 1 ஆசனத்தையும் வெற்றிபெறும் என கருத்துக் கணிப்புகள் எதிர்வு கூறுகின்றன.
Atlantic பிராந்தியம், Ontario , Quebec மாகாணங்களில் Liberal கட்சி முன்னணியில் உள்ளது .
Prairies மாகாணங்களில் Conservative கட்சி ஆதிக்கம் செலுத்துகிறது.
British Colombia இரு கட்சிகளுக்கும் இடையிலான முழுமையான மோதல் களமாக உள்ளது.
கனடியர்கள் யாரை பிரதமராக விரும்புகிறார்கள் என்ற கேள்விக்கான கருத்துக் கணிப்பில், Liberal தலைவர் Mark Carney 14 புள்ளிகள் முன்னிலையில் உள்ளார்.
Mark Carney-க்கான ஆதரவு 49 சதவீதமாகவும், Conservative தலைவர் Pierre Poilievre-க்கான ஆதரவு 35 சதவீதமாகவும், NDP தலைவர் Jagmeet Singh-க்கான ஆதரவு 5 சதவீதமாகவும் உள்ளது.
இம்முறை முன்கூட்டிய வாக்கெடுப்பில் 7.3 மில்லியன் கனடியர்கள் வாக்களித்த நிலையில், தேர்தல் வாக்குப்பதிவு திங்கட்கிழமை (28) நடைபெறுகிறது.
