NDP தலைவர் Jagmeet Singh-கை ‘பயங்கரவாதி’ என அழைத்ததற்காக Saskatchewan கட்சி சட்டமன்ற உறுப்பினர் மன்னிப்பு கோரினார்.
Humboldt-Watrous தொகுதிக்கான Saskatchewan கட்சி சட்டமன்ற உறுப்பினர் Racquel Hilbert இந்த விடயத்தில் மன்னிப்பு கோரினார்.
இரண்டு வாரங்களுக்கு முன்னர் சட்டமன்றத்தில் உரையாற்றிய போது NDP தலைவர் Jagmeet Singh-கை “பயங்கரவாதி” என அழைத்ததற்காக Racquel Hilbert மன்னிப்பு கோரியுள்ளார்.
“எனது வரவு செலவுத் திட்ட பதில் உரையின் போது, NDP தலைவர் குறித்து நான் பொருத்தமற்ற கருத்தை தெரிவித்தேன்,” என புதன்கிழமை (09) சட்டமன்றத்தில் உரையாற்றிய போது Racquel Hilbert குறிப்பிட்டார்.
ஆனாலும் Racquel Hilbert-டின் கருத்துக்கள் “சீக்கிய சமூகத்தை ஆழமாக புண்படுத்துவதும் வெறுக்கத்தக்கதும்” என Saskatchewan NDP கட்சியின் சட்டமன்ற உறுப்பினர் Tajinder Grewal கண்டித்தார்.
இனவாதத்திற்கு எங்கள் மாகாணத்திலும், மாகாண அரசாங்கத்திலும் நிச்சயமாக இடமில்லை என Saskatoon University-Sutherland தொகுதியின் சட்டமன்ற உறுப்பினராக அவர் கூறினார்.
