கனடா ‘உலகமயமாக்கலை மேலும் தீவிரப்படுத்துவது’ அமெரிக்காவின் வர்த்தக இலக்குக்கு முரணானது என தெரிவிக்கப்படுகிறது.
வர்த்தகக் கொள்கை விடயத்தில் அமெரிக்காவுக்கும் கனடாவுக்கும் இடையே கருத்து வேறுபாடுகள் நீடிப்பதாக, அமெரிக்க ஜனாதிபதியின் முதன்மை வர்த்தகப் பேச்சுவார்த்தையாளர் தெரிவித்தார்.
கனடா-அமெரிக்கா-மெக்சிகோ ஒப்பந்தத்தைப் புதுப்பிப்பதற்கான காலக்கெடு நெருங்கி வரும் நிலையில் இந்தக் கருத்தை அமெரிக்க வர்த்தகப் பிரதிநிதி Jamieson Greer கூறினார்.
கனடா “உலகமயமாக்கலை மேலும் தீவிர படுத்துவதாகவும் அவர் குற்றம் சாட்டினார்.
அமெரிக்க பிரதிநிதிகள் சபையின் வரிகள், நிதி ஒதுக்கீடு குழுவில் சாட்சியமளித்த போது, கனடாவுடனான பிற வர்த்தக சவால்களையும் அவர் எழுப்பினார்.
வர்த்தகப் பேச்சுவார்த்தைகளில் கனடா ஏதேனும் கூடுதல் சலுகைகளை வழங்க தயாராக உள்ளதா என்ற செய்தியாளர்கள் கேள்விக்கு கனடிய பிரதமர் Mark Carney “இல்லை” என பதிலளித்தார்.
அமெரிக்காவைச் சார்ந்திருப்பதை குறைக்கும் பொருட்டு, சீனா உட்பட பல நாடுகளுடனான வர்த்தகத்தை விரிவுபடுத்துவதன் முக்கியத்துவத்தை Mark Carney வலியுறுத்தி வருகிறார் என்பது குறிப்பிடத்தக்கது.
அமெரிக்க வர்த்தகச் செயலர் Howard Lutnick உள்ளிட்ட Donald Trump நிர்வாகத்தின் ஏனைய அதிகாரிகளும், நிபுணர்களும் கனடாவுக்கு எதிரான அமெரிக்காவின் வரிகள், கொள்கைக் கோரிக்கைகளுக்கு பதிலளிக்கும் விதமாக சீனாவுடன் நெருங்கிய உறவுகளை நாடியதற்காக கனடாவை விமர்சித்துள்ளனர்.
