அமெரிக்க ஜனாதிபதியின் அடிப்படை பரஸ்பர வரி கட்டணங்களில் இருந்து கனடாவுக்கு விலக்கு அளிப்பதாக வெள்ளை மாளிகை அறிவித்துள்ளது.
சில வரி கட்டணங்கள் மீது 90 நாள் இடை நிறுத்தத்திற்கு அமெரிக்க ஜனாதிபதி Donald Trump புதன்கிழமை (09) அங்கீகாரம் வழங்கினார்.
இதன் ஒரு பகுதியாக கனடா மீது விதிக்கும் 10 சதவீத அடிப்படை பரஸ்பர வரி கட்டணங்களில் இருந்து விலக்கு அளிக்கப்பட்டுள்ளதாக வெள்ளை மாளிகை உறுதிப்படுத்தியது.
Donald Trump-பின் இந்த வரி கட்டண அறிவித்தல் குறித்து தெளிவுபடுத்துமாறு கனடாவின் சர்வதேச வர்த்தக அமைச்சர் Dominic Leblanc, அமெரிக்க வர்த்தக செயலாளர் Howard Lutnick-கிடம் கோரியிருந்தார்.
பரஸ்பர வரிவிதிப்புகள் மீதான Donald Trump-பின் இடைநிறுத்தம் உலக பொருளாதாரத்திற்கு வரவேற்கத்தக்க மாற்றம் என கனடிய பிரதமர் Mark Carney கூறினார்.
“ஜனாதிபதி நானும் ஒப்புக்கொண்டபடி, பொதுத் தேர்தலை தொடர்ந்து ஒரு புதிய பொருளாதார, பாதுகாப்பு உறவு குறித்த பேச்சுவார்த்தைகளை ஆரம்பிப்போம்” என Mark Carney தெரிவித்தார்.
இந்த நடவடிக்கையின் மூலம், இருதரப்பு பேச்சுவார்த்தையில் ஈடுபட அமெரிக்கா தயாராக உள்ளது என்பது தெளிவாகிறது என அவர் மேலும் கூறினார்.
இருந்தபோதிலும், ஏனைய வர்த்தக பங்காளிகளுடன் உறவுகளை வலுப்படுத்துவதற்கான முயற்சிகளை கனடா தொடரும் எனவும் Mark Carney தெரிவித்தார்.
