கனடியர்கள் தமது புதிய அரசாங்கத்தை April 28-ஆம் திகதி தெரிவு செய்கின்றனர்.
கனடாவின் அடுத்த பொதுத் தேர்தல் வாக்கெடுப்பு April 28 ஆம் திகதி நடைபெறவுள்ளது.
பொதுத் தேர்தலுக்கான அறிவித்தலை பிரதமர் Mark Carney ஞாயிற்றுக்கிழமை (23) வெளியிட்டார்.
ஞாயிறு காலை பிரதமர் Mark Carney ஆளுநர் நாயகம் Mary Simon-னை சந்தித்து நாடாளுமன்றத்தை கலைத்து ஒரு தேர்தலுக்கு அழைப்பு விடுக்குமாறு கோரினார்.
இந்த நிலையில் 38 நாள் தேர்தல் பிரச்சாரம் ஆரம்பமானது.
கடந்த தேர்தலின் பின்னர் நடைபெற்ற மாவட்ட மீள் பங்கீட்டின் பின்னர் இம்முறை 343 ஆசனங்களுக்காக தேர்தல் நடைபெறுகிறது.
இந்தத் தேர்தல் Liberal, Conservative கட்சிகளுக்கு இடையிலான கடும் போட்டியாக அமையும் என கருத்துக் கணிப்புகள் தெரிவிக்கின்றன.
அமெரிக்காவுடனான வர்த்தகப் போருக்கு மத்தியில் இந்தத் தேர்தல் நடைபெறுகிறது.
