Liberal கட்சியின் தலைமை போட்டியில் இருந்து ஒரு வேட்பாளர் விலகினார்.
நாடாளுமன்ற உறுப்பினர் Jaime Battiste தலைமைத்துவ போட்டியில் இருந்து விலகுவதாக அறிவித்தார்.
கனடாவின் முதலாவது முதல் குடியின பிரதமராகும் எண்ணத்துடன் இந்த போட்டியில் இணைந்து கொள்வதாக Jaime Battiste அறிவித்திருந்தார்.
தனது பிரச்சாரத்தை உத்தியோகபூர்வமாக ஆரம்பித்த ஒரு வாரத்தின் பின்னர் போட்டியில் இருந்து விலகுவதாக அறிவித்தார்.
தனது ஆதரவை சக வேட்பாளர் Mark Carney க்கு வழங்கவும் அவர் முடிவு செய்துள்ளார்.
“ஆழ்ந்த பரிசீலனை, பல விவாதங்களுக்குப் பின்னர், Mark Carneyயை ஆதரிப்பதே முன்னுரிமைகளை ஆதரிப்பதற்கும் முன்னெடுப்பதற்கும் சிறந்த வழி என நான் நம்புகிறேன்” என Jaime Battiste ஒரு அறிக்கையில் கூறினார்.
Liberal கட்சியின் தலைமைப் பதவியில் இருந்தும், பிரதமர் பதவியில் இருந்தும் விலகுவதாக Justin Trudeau அறிவித்த நிலையில் புதிய பிரதமருக்கான தேடல் நடைபெறுகிறது.
Liberal கட்சியின் தலைமைப் பதவிக்கான போட்டியில் மொத்தம் ஏழு வேட்பாளர்கள் போட்டியிட பதிவு செய்தனர்.
இவர்களில் Nepean தொகுதியின் நாடாளுமன்ற உறுப்பினரான Chandra Arya, இந்தப் போட்டியில் ஈடுபட கட்சியினால் தடை விதிக்கப்பட்டது.
Jaime Battiste போட்டியில் இருந்து விலகிய நிலையில் ஐந்து வேட்பாளர்கள் தலைமை பதவிக்கு போட்டியிடுகின்றனர்.
ஆனால் கடுமையான போட்டி முன்னாள் கனடிய மத்திய வங்கி, இங்கிலாந்து மத்திய வங்கியின் ஆளுநராக இருந்த Mark Carney, முன்னாள் நிதியமைச்சரும் துணைப் பிரதமருமான Chrystia Freeland, முன்னாள் அரசாங்க சபை தலைவர் Karina Gould ஆகிய மூவருக்கும் இடையில் இருப்பதாக கூறப்படுகிறது.
இவர்கள் தவிரவும் Québec மாகாணத்தின் Pierrefonds-Dollard தொகுதியின் முன்னாள் நாடாளுமன்ற உறுப்பினர் Frank Baylis, முன்னாள் நாடாளுமன்ற உறுப்பினரான Ruby Dhalla. ஆகியோரும் களத்தில் உள்ளனர்.
Liberal கட்சியின் அடுத்த தலைவரும், கனடாவின் அடுத்த பிரதமரும் March 9 தேர்ந்தெடுக்கப்படுவார் என்பது குறிப்பிடத்தக்கது.
