கனடாவிற்கு மீண்டும் நன்றி தெரிவித்த உக்ரைன் ஜனாதிபதி

ரஷ்யாவிற்கு சொந்தமான Nord Stream அனுமதி விலக்கை இரத்து செய்வதற்கான கனடாவின் முடிவை உக்ரேனிய ஜனாதிபதி வரவேற்றார்.

ரஷ்யாவின் Gazpromக்குச் சொந்தமான விசையாழியின் ஏற்றுமதி அனுமதியை இரத்து செய்ய கனடாவின் முடிவை உக்ரேனிய ஜனாதிபதி Volodymyr Zelenskyy வரவேற்றார்.

இந்த விசையாழி Montreal நகரில் பழுது பார்க்கப்பட்டு மீண்டும் ரஷ்யாவிற்கு ஏற்றுமதியாக தயாராக இருந்தது.

வெள்ளிக்கிழமை (16) பிரதமர் Justin Trudeauவுடனான தனது தொலைபேசி உரையாடலில் இந்த விடயம் குறித்து உக்ரேனிய ஜனாதிபதி தனது மகிழ்ச்சியை வெளிப்படுத்தினார்.

உக்ரைனுக்கான கனடாவின் தொடர்ச்சியான பங்களிப்புகளுக்கு ஜனாதிபதி Zelenskyy நன்றி தெரிவித்தார்.