ரஷ்யாவின் உக்ரைன் மீதான போர் குறித்து தொடர்ந்து நிலைமையை கண்காணித்து வரும் அதேவேளை சட்டவிரோத படையெடுப்பிற்கு பதிலளிப்பதற்கு நடவடிக்கைகளை ஒருங்கிணைக்கிறோம் என செவ்வாய்க்கிழமை (19) Trudeau கூறினார்.
உக்ரைன் அதிபர் Volodymyr Zelenskyyயுடன் நெருங்கிய தொடர்பில் உள்ளதாகவும் Trudeau தெரிவித்தார்.
ஆனாலும் கனடாவின் இராணுவ உதவி குறித்து பிரதமர் அலுவலகமோ, பாதுகாப்பு அமைச்சர் அனிதா ஆனந்தின் அலுவலகமோ மேலதிக விவரங்களை வெளியிடவில்லை.
உக்ரைன் மீதான போர் குறித்து செவ்வாய்க்கிழமை காலை Trudeau உலக நாடுகளின் தலைவர்களுடன் மெய்நிகர் வழியாக கலந்துரையாடினார்.
இந்த நிலையில் ரஷ்ய ஜனாதிபதி Vladimir Putinனின் மகள்களுக்கு கனடா தடை உத்தரவொன்றை அறிவித்துள்ளது.
இவர்கள் இருவரும் அவர்களின் தந்தை ஏற்கனவே எதிர்கொள்ளும் சிறப்பு பொருளாதார நடவடிக்கைகள் சட்டத்தின் கீழ் நிதி உட்பட பிற அபராதங்களுக்கு உட்பட்டுள்ளனர்.
