15 வயது சிறுமியிடம் பாலியல் சேவைகளைப் பெற முயன்ற 12 நபர்கள் அதிரடியாக கைது செய்யப்பட்ட சம்பவம் Durham பிராந்தியத்தில் நிகழ்ந்தது.
Durham பிராந்திய காவல்துறையினர் நடத்திய மிகவும் இரகசியமான மனிதக் கடத்தல் தடுப்பு வேட்டையில் இந்த கைதுகள் மேற்கொள்ளப்பட்டன.
இதில் கைதானவர்களுக்கு எதிராக பல குற்றவியல் வழக்குகள் பதிவு செய்யப்பட்டுள்ளன.
இவர்களுக்கு எதிரான குற்றசாட்டுகள் எதுவும் இதுவரை நீதிமன்றத்தில் நிரூபிக்கப்படவில்லை.
Durham பிராந்திய காவல்துறை தலைமையகத்தில் வியாழக்கிழமை (05) நடைபெற்ற செய்தியாளர் சந்திப்பில், Project Firebird என்ற பெயரில் நடத்தப்பட்ட இந்த 10 நாள் அதிரடி நடவடிக்கையின் முடிவுகளை அதிகாரிகள் வெளியிட்டனர்.
கனடாவில் மனிதக் கடத்தல், பாலியல் சுரண்டல் வழக்குகளில் சிக்கி பாதிக்கப்படும் குழந்தைகளில் 55 சதவீதம் பேர் சிறுவர்கள் என காவல்துறை தரவுகள் தெரிவிக்கின்றன.
இதில் பாதிக்கப்படும் சிறுவர்கள் எண்ணிக்கை ஆண்டுக்காண்டு அதி வேகத்தில் அதிகரித்து வருவதாக அதிகாரிகள் கவலை வெளியிட்டனர்.
