கனடா – ஐரோப்பிய ஒன்றியம் (EU) இடையிலான உச்சி மாநாடு புதிய வாய்ப்புகளை உருவாக்குவதற்கான களம் என கனடிய வர்த்தக அமைச்சர் Maninder Sidhu நம்பிக்கை தெரிவித்தார்,
Montreal நகரில் நடைபெற்று முடிந்த இந்த மாநாடானது கனடிய வணிகர்களுக்கான புதிய பொருளாதார வாய்ப்புகளை உருவாக்குவதற்கான மாபெரும் களம் எனத் தெரிவித்த அவர், இது எதிர்காலத்தில் மிகப்பெரிய பலனைத் தரும் என உறுதிபடக் கூறினார்.
ஐரோப்பிய ஒன்றியத்தின் “இணை உறுப்பினர்” அந்தஸ்தை ஏற்பதில் சில உள்நாட்டு, சர்வதேச முரண்பாடுகள் காரணமாக கனடிய அரசு தற்காலிகமாக பின்வாங்கி இருந்தது.
இது குறித்து எழுந்த விமர்சனங்களுக்கு பதிலளிக்கும் வகையில் அமைச்சரின் கருத்து வெளியானது.
அமெரிக்காவுடனான தற்போதைய பதட்டங்களுக்கு மத்தியில், உலகின் மிகப்பெரிய பொருளாதாரக் கூட்டமைப்புகளில் ஒன்றான ஐரோப்பிய ஒன்றியத்துடன் வலுவான உறவை வளர்ப்பது Mark Carney அரசின் மிக அவசியமான கொள்கை என அமைச்சர் Maninder Sidhu கூறினார்.
Montreal உச்சி மாநாட்டின் மூலம் இருதரப்பு வர்த்தக தடைகளை நீக்கி, கனடிய நிறுவனங்கள் ஐரோப்பிய சந்தையில் எளிதாக முதலீடு செய்வதற்கான உறுதியான அடித்தளம் அமைக்கப்பட்டுள்ளதாகவும் அவர் குறிப்பிட்டார்.
அமெரிக்காவுடனான கனடாவின் வர்த்தகப் போர் இழுபறிகளுக்கு மத்தியில் இந்த மாநாட்டின் முக்கியத்துவம் அதிகரித்துள்ளது.
இந்த வாரம் அமெரிக்க இடைக்காலத் தேர்தல் முடிவுகள் வெளியாகவுள்ள நிலையில், கனடிய அரசு எடுத்து வரும் இத்தகைய உலகளாவிய வர்த்தக தற்சார்பு நடவடிக்கைகள் கனடியப் பொருளாதார பாதுகாப்பிற்கு மிக முக்கியப் பங்களிப்பாக நோக்கப்படுகிறது.
