புதிய குழாய்த் திட்டத்திற்கு (Pipeline) ஆதரவளிப்பது தனது அரசாங்கத்தின் முதல் பணியாக இருக்கும் என British Columbia (B.C.) மாகாணத்தின் புதிய முதலமைச்சராக பொறுப்பேற்கவுள்ள Lorne Doerkson தெரிவித்தார்.
B.C. மாகாண சபைத் தேர்தலில் Conservative கட்சி பெரும்பான்மை பலத்துடன் சனிக்கிழமை (24) வெற்றி பெற்றுள்ளது.
மொத்தமுள்ள 93 தொகுதிகளில் 63 தொகுதிகளில் வெற்றி பெற்றதன் மூலம் Lorne Doerkson தலைமையிலான Conservative கட்சி புதிய ஆட்சியை அமைக்கவுள்ளது.
தேர்தல் வெற்றியின் பின்னர் எதிர்காலத் திட்டங்கள் குறித்து பேசிய அவர், புதிய Conservative அரசாங்கத்தின் முதல் பணிகளில் ஒன்றாக எரிசக்தித் துறையை வலுப்படுத்தும் நோக்கில் புதிய Pipeline திட்டத்திற்கு ஆதரவு வழங்குவதாக இருக்கும் என அவர் கூறினார்.
இந்த விடயம் குறித்து பிரதமர் Mark Carney, Alberta முதலவர் Danielle Smith ஆகியோருடன் உரையாடி Pacific Link Pipeline திட்டத்திற்கு ஆதரவு வழங்க தயாராக உள்ளதாக Lorne Doerkson தெரிவித்தார்.
