British Columbia (B.C.) மாகாணத்தில் உள்ள முக்கிய நகர சபைகளில் சனிக்கிழமை (17) தேர்தல் நடைபெற்றது.
இதில் மாகாணத்தின் பெரும்பாலான பெரிய நகரங்களில் தற்போதைய நகர முதல்வர்கள் தோல்வி அடைந்துள்ள நிலையில், மக்கள் பெரிய அளவிலான மாற்றத்திற்கு வாக்களித்துள்ளனர்.
Vancouver நகரத்தின் முதல்வர் தேர்தலில் மாபெரும் திருப்பமாக, பசுமைக் கட்சியின் Pete Fry வெற்றார்.
Vancouver வரலாற்றில் பசுமைக் கட்சியைச் சேர்ந்த ஒருவர் முதல்வராவது இதுவே முதல்முறையாகும்.
இவர் தற்போதைய நகர முதல்வர் Ken Sim என்பவரைத் தோற்கடித்துள்ளார்.
Surrey நகரத்தில் முன்னாள் நகர முதல்வர் Doug McCallum மீண்டும் வெற்றி பெற்றுள்ளார்.
நான்கு முறை நகர முதல்வராக இருந்த இவர், தற்போதைய நகர முதல்வர் Brenda Locke உடனான கடுமையான போட்டியில் அவரைத் தோற்கடித்து ஐந்தாவது முறையாக பதவியேற்க உள்ளார்.
Victoria நகரில் தற்போதைய நகர முதல்வர் Marianne Alto மீண்டும் வெற்றி பெற்றுள்ளார்.
Kelowna நகரில் தற்போதைய நகர முதல்வர் Tom Dyas தன்னை எதிர்த்துப் போட்டியிட்ட பிரதான வேட்பாளரை மிகக் குறைந்த வாக்குகள் வித்தியாசத்தில் தோற்கடித்து மீண்டும் வெற்றி பெற்றுள்ளார்.
Richmond நகரில் 25 ஆண்டுகள் நகர முதல்வராக இருந்த Malcolm Brodie ஓய்வு பெற்றதைத் தொடர்ந்து, அவர் ஆதரித்த Rob Howard புதிய நகர முதல்வராக தேர்ந்தெடுக்கப்பட்டுள்ளார்.
Delta நகரில், கடுமையான அரசியல் மோதல்களுக்கு மத்தியில் Melissa Granum தற்போதைய நகர முதல்வரை தோற்கடித்துள்ளார்.
Penticton நகரில் முன்னாள் நகர முதல்வர் Dan Ashton மீண்டும் வெற்றி பெற்றார்.
Langley, Prince George, Kamloops போன்ற பல நகரங்களிலும் தற்போதைய நகர முதல்வர்கள் மக்கள் செல்வாக்கை இழந்து தோல்வியைத் தழுவியுள்ளனர்.
