கனடாவின் வரவிருக்கும் மத்திய வரவு செலவுத் திட்டம் வணிகங்களுக்கு சாதகமாக அமைய வாய்ப்புள்ளதாக எச்சரிக்கையுடனான நம்பிக்கை தெரிவிக்கப்படுகிறது.
KPMG நிறுவனம் நடத்திய ஆய்வில் நாட்டின் முன்னணி வணிகத் தலைவர்கள், நிறுவனங்களின் நிர்வாகிகள் மத்தியில் இந்த வரவு செலவுத் திட்டம் குறித்த ஒரு எச்சரிக்கையுடனான நம்பிக்கை நிலவி வருகிறது.
பிரபல சர்வதேச ஆலோசனை, தணிக்கை நிறுவனமான KPMG கனடா நடத்திய புதிய கருத்து கணிப்பில் இந்தத் தகவல் தெரியவந்துள்ளது.
அமெரிக்காவுடனான வர்த்தகப் போர், உள்நாட்டு பொருளாதார சவால்களுக்கு மத்தியில், கனடிய மத்திய அரசு தங்கள் கோரிக்கைகளுக்கு செவி சாய்க்கும் என வணிக உலகம் எதிர்பார்க்கிறது.
இன்றைய இக்கட்டான பொருளாதாரச் சூழலில் கனடிய நிறுவனங்கள், உலகளாவிய முதலீட்டாளர்கள் இந்த வரவு செலவுத் திட்டத்தில் இருந்து சில முக்கிய பொருளாதார சீர்திருத்தங்களை எதிர்பார்ப்பதாக தெரியவருகிறது.
கனடிய மத்திய வரவு செலவுத் திட்டம் இந்த இலையுதிர் காலத்தில் சமர்ப்பிக்கப்படும் என எதிர்பார்க்கப்படுகிறது.
ஆனாலும் இதற்கான உறுதியான திகதி எதுவும் இதுவரை அறிவிக்கப்படவில்லை.
