1,00,000 புதிய தொழிலாளர்களை உருவாக்க $350 மில்லியன் நிதியுதவி திட்டம் வெளியாக உள்ளது.
இது பிரதமர் Mark Carney-யின் $6 பில்லியன் Team Canada Strong திட்டத்தின் ஒரு பகுதியாகும்.
மத்திய தொழிலாளர் துறை செயலாளர் John Zerucelli வியாழக்கிழமை (15) இந்த நிதியுதவி திட்டத்தை வெளியிடவுள்ளார்.
தொழிற்சங்கங்கள், கல்லூரிகள் மூலம் புதிய தொழிலாளர்களுக்கு பயிற்சி அளிக்கவும், உள்கட்டமைப்புகளை மேம்படுத்தவும் $350 மில்லியன் நிதியுதவித் திட்டத்தை மத்திய அரசாங்கம் அதிகாரப்பூர்வமாக வெளியிடவுள்ளது.
Ottawa நகரின் அருகில் நடைபெறவுள்ள கூட்டத்தில் John Zerucelli இந்த நிதித் திட்டத்தை அதிகாரப்பூர்வமாகப் பிரகடனப்படுத்தவுள்ளார்.
எதிர்வரும் 2030-31 ஆம் ஆண்டிற்குள் தேசிய அளவில் அங்கீகரிக்கப்பட்ட Red Seal தகுதிச் சான்றிதழ் பெற்ற 80,000 முதல் 1,00,000 புதிய திறமையான தொழிலாளர்களை உருவாக்குவது இத்திட்டத்தின் பிரதான நோக்கமாகும்.
கனடாவில் தற்போது ஆண்டுதோறும் 20,000-க்கும் அதிகமான கட்டுமான, தொழில்துறை தொழிலாளர்கள் பற்றாக்குறை நிலவி வருகிறது.
இந்தத் திட்டம் இந்த தொழிலாளர் பற்றாக்குறையை நிவர்த்தி செய்யும் என எதிர்வு கூறப்படுகிறது
நாடாளுமன்றத்தில் தற்போது வேகமாக நகர்ந்து வரும் Bill C-39 பொருளாதாரச் சட்டத்தின் மூலம் கட்டுமானத் திட்டங்களுக்கு துரிதமான அனுமதிகளை வழங்கி வரும் வேளையில், அதற்கு தேவையான தொழிலாளர்களை உருவாக்க இந்த நிதி உபயோகிக்கப்படவுளது.
மத்திய Liberal அரசு தனது Team Canada Strong கொள்கையின் கீழ் அடுத்த 5 ஆண்டுகளில் ஒட்டுமொத்தமாக $6 பில்லியன் நிதியைத் தொழிலாளர் உருவாக்கத்திற்காக வரவு செலவுத் திட்டத்தில் ஒதுக்கி இருந்தது குறிப்பிடத்தக்கது.
