அமெரிக்கத் தேர்தல்களில் கனடா ஒருபோதும் தலையிடாது என அமைச்சர் Mélanie Joly தெரிவித்தார்.
இந்த விடயத்தில் கனடா மீது எழுப்பப்பட்டுள்ள குற்றச்சாட்டுகளை அவர் முற்றிலும் நிராகரித்தார்.
அமெரிக்க அரசியலில் தலையிடுவதை கனடிய அரசியல்வாதிகள் நிறுத்திக் கொள்ள வேண்டும் என கனடாவுக்கான அமெரிக்க தூதர் Pete Hoekstra எச்சரித்த நிலையில் அமைச்சரின் இந்தக் கருத்து வெளியானது.
கனடாவுக்கான அமெரிக்க தூதரின் கருத்துக்கு பதிலடியாக புதன்கிழமை (14) பிற்பகல் செய்தியாளர்களைச் சந்தித்த அமைச்சர் Mélanie Joly இந்த அதிரடிப் மறுப்புரையை வெளியிட்டுள்ளார்
அமெரிக்காவின் ஜனநாயக நெறிமுறைகளை மதிப்பதில் கனடா எப்போதுமே உறுதியாக உள்ளது என கூறிய அவர்; கனடா ஒருபோதும் அமெரிக்கத் தேர்தல்களில் எவ்விதத் தலையீட்டிலும் ஈடுபடாது என பிரகடனப்படுத்தியுள்ளார்
தனது கருத்துக்களை தேர்தல் தலையீடு அல்ல எனவும் மாறாக எங்களது தொழிலாளர்களைப் பாதுகாக்கும் உத்தி எனவும் Mélanie Joly விளக்கமளித்தார்.
கனடிய அமைச்சர்கள் அல்லது மக்கள் பிரதிநிதிகள் அமெரிக்க வாக்காளர்களை திசைதிருப்ப முயல்கிறார்கள் என்ற வாதம் முற்றிலும் அடிப்படையற்றது எனவும் அவர் தெரிவித்தார்.
