கனடாவின் உள்நாட்டுப் பொருளாதாரத்தைப் பன்மடங்கு வலுப்படுத்த கனடா-அமெரிக்க வர்த்தகத் துறை அமைச்சர் Dominic LeBlanc ஒரு புதிய உத்தியை முன்வைத்துள்ளார்.
மாகாண, பிராந்திய வர்த்தக அமைச்சர்களை இந்த வாரத்தில் நேரில் சந்திக்க அமைச்சர் Dominic LeBlanc முடிவு செய்துள்ளார்.
அமெரிக்காவின் புதிய $1 பில்லியன் மதிப்பிலான இறக்குமதித் தடை நடைமுறைக்கு வந்துள்ள சூழலில் இந்த சந்திப்பு குறித்த தகவல் வெளியானது.
எமது நாட்டிற்கு நாமே சிறந்த வாடிக்கையாளராக மாற வேண்டும் என Dominic LeBlanc கூறினார்.
கனடியப் பொருட்களும் சேவைகளும் நாடளாவிய ரீதியில் எவ்வித தடைகளும் இன்றி நகர்வதை உறுதி செய்வதில் மிகுந்த இலட்சியத்துடன் செயல்பட வேண்டும் என அமைச்சர் தனது அதிகாரப்பூர்வ X தளத்தில் பதிவிட்டுள்ளார்.
அமெரிக்காவின் தற்போதைய வர்த்தகத் தடைகள், அச்சுறுத்தல்களுக்கு பணியாமல், இந்த இக்கட்டான தருணத்தை ஒரு நல்வாய்ப்பாக பயன்படுத்த வேண்டும் என அவர் மாகாணங்களுக்கு அவசர வேண்டுகோள் விடுத்துள்ளார்.
