Ontario மாகாண நிதிப் பற்றாக்குறை $13 பில்லியனாக குறைந்துள்ளதாக அரசாங்கம் அதிகாரப்பூர்வமாக அறிவித்தது.
Ontario மாகாணத்தின் 2025-26 ஆம் ஆண்டிற்கான நிதிப் பற்றாக்குறை குறித்த அறிவித்தல் வியாழக்கிழமை (24) வெளியானது.
இந்த பற்றாக்குறை முன்னர் கணிக்கப்பட்டதை விடச் சற்று குறைந்து $13 பில்லியனாகப் பதிவாகியுள்ளது.
முன்னதாக 2025 வரவு செலவுத் திட்டத்தில் இந்த நிதிப் பற்றாக்குறை $14.6 பில்லியனாக இருக்கும் எனக் கணிக்கப்பட்டிருந்த நிலையில், தற்போது அது $1.6 பில்லியன் அளவு மேம்பட்டுள்ளது குறிப்பிடத்தக்கது.
Ontario மாகாண அரசின் பொதுக் கணக்கு அறிக்கை வியாழனன்று வெளியானது
2024-25 நிதியாண்டில் Ontario மாகாணத்தின் நிதிப் பற்றாக்குறை $1.1 பில்லியனாக மட்டுமே இருந்தது.
தற்போதைய பற்றாக்குறை அதிகரிப்புக்கு கல்வி, சுகாதார துறைகளில் ஏற்பட்ட கூடுதல் செலவினங்கள் முதன்மைக் காரணிகளாக குறிப்பிடப்படுகிறது.
மாகாணத்தின் சுகாதாரத் துறைக்கான நிதி ஒதுக்கீடு $6.2 பில்லியன் அதிகரிக்கப்பட்டு, மொத்தமாக $97.5 பில்லியனாக உயர்ந்துள்ளது.
இதேபோல் கல்வித் துறைக்கான செலவினங்களும் $2.3 பில்லியன் அதிகரிக்கப்பட்டு, மொத்தம் $40.1 பில்லியனை எட்டியுள்ளது.
மாகாண அரசின் கட்டுப்பாட்டில் இயங்கும் வணிக நிறுவனங்களான LCBO, OLG ஆகியவற்றின் மூலம் அரசுக்கு கணிசமான கூடுதல் வருவாய் கிடைத்துள்ளதாக Ontario மாகாண வியாழனன்று வெளியிட்டுள்ள பொது கணக்கு அறிக்கை சுட்டிக்காட்டுகிறது.
