கனடா அமெரிக்கா இடையே நிலவி வரும் கடுமையான வர்த்தகப் போருக்கு மத்தியில், சில முக்கிய கனடிய தயாரிப்புகளுக்கு அமெரிக்கா திடீர் விதிவிலக்கு அளித்துள்ளது.
அமெரிக்க எல்லையோர மாநிலங்களின் உள்ளூர் தேவைகளை கருத்தில் கொண்டு இந்த அதிரடி முடிவு எடுக்கப்பட்டுள்ளதாக தெரிவிக்கப்படுகிறது.
அமெரிக்க ஜனாதிபதி Donald Trump கனடிய பொருட்களுக்கு எதிராக தொடர்ந்து புதிய இறக்குமதி வரிகளை விதித்து வருகிறார்.
இருந்த போதிலும், அமெரிக்காவின் எல்லைப் பகுதிகளில் உள்ள மக்களின் அன்றாட தேவைகளை பாதிக்கும் சில குறிப்பிட்ட தயாரிப்புகளுக்கு இந்த வர்த்தகத் தடைகளில் இருந்து விதிவிலக்கு அளிக்கப்பட்டுள்ளது.
Toilet paper, Road salt, Cement ஆகிய கனடிய இறக்குமதிகளுக்கு வரி விதிக்கப்படாது என வெள்ளை மாளிகை தெரிவித்துள்ளது.
அமெரிக்காவின் எல்லையோர மாநிலமான Maine குடியரசுக் கட்சி மேலவை உறுப்பினர் Susan Collins விடுத்த அவசரக் கோரிக்கையை ஏற்று இந்த நெகிழ்வுத்தன்மை முன்னெடுக்கப்பட்டுள்ளது.
அமெரிக்காவின் இந்த முடிவுக்கு கைமாறாக, கனடாவும் ஒரு முக்கிய தளர்வை அறிவித்துள்ளது.
அமெரிக்க கடல்சார் உணவுகள், மீன் தயாரிப்புகளை தங்களது வரிப் பட்டியலில் இருந்து கனடா நீக்கியுள்ளதாக அறிவிக்கப்படுகிறது.
கனடாவின் இந்த விலக்கு தங்களுக்கு பெரும் நிம்மதி அளிப்பதாக மேலவை உறுப்பினர் Susan Collins தெரிவித்துள்ளார்.
இந்த நிலையில் இரு நாடுகளும் இந்த வர்த்தக மோதலைக் குறைக்க உடனடியாக பேச்சுவார்த்தை நடத்த வேண்டும் என அவர் வலியுறுத்தியுள்ளார்.
கனடாவுக்கு அமெரிக்காவுக்கும் இடையிலான வர்த்தக பேச்சுவார்த்தை கடந்த மாதம் தோல்வி அடைந்ததை தொடர்ந்து இரு நாடுகளும் விதித்த வரிகள் அமுலுக்கு வந்தது இங்கு குறிப்பிடத்தக்கது.
