கனடாவின் நாணய மாற்று விகிதம் ‘ஏற்றுக்கொள்ள முடியாதது என அமெரிக்க ஜனாதிபதி தெரிவித்தார்.
கனடாவுக்கு அமெரிக்காவுக்கும் இடையிலான நாணய மாற்று விகிதம் “ஏற்றுக்கொள்ள முடியாதது” என அமெரிக்க ஜனாதிபதி Donald Trump விமர்சித்துள்ளார்.
இது குறித்து அவர் விரிவான விளக்கங்கள் எதையும் அளிக்கவில்லை என்றாலும், இரு நாடுகளுக்கும் இடையே நிலவும் தீவிர வர்த்தக மோதலுக்கு மத்தியில் இந்த அறிக்கை வெளிவந்துள்ளது.
Donald Trump வெளியிட்ட இந்தக் கருத்துக்கு கனடிய அரச தரப்பில் இதுவரை பகிரங்கமாக எந்தப் பதிலும் அளிக்கப்படவில்லை.
தற்போது 1 அமெரிக்க டொலர் 1.38 கனடிய டொலராக வர்த்தகம் செய்யப்படுகிறது.
அதாவது 1 கனடிய டொலரின் மதிப்பு சுமார் 72 அமெரிக்க சாதங்களாகும்.
அமெரிக்காவுக்கு எதிரான கனடாவின் பதில் வரிகள் செவ்வாய்க்கிழமை (08) அமுலுக்கு வர உள்ள நிலையில் அமெரிக்க ஜனாதிபதியின் கருத்து வெளியானது.
இந்த வரி விதிப்பு 700 அமெரிக்கப் பொருட்களை இலக்காகக் கொண்டுள்ளது குறிப்பிடத்தக்கது.
