மூன்று மாகாணங்களில் மத்திய இடைத் தேர்தல் வாக்களிப்பு திங்கட்கிழமை (31) நடைபெறுகிறது.
Ontario, British Colombia, Quebec ஆகிய மாகாணங்களில் இந்த இடைத் தேர்தல் தேர்தல் வாக்களிப்பு நடைபெறுகிறது.
British Colombia மாகாணத்தின் North Vancouver-Capilano தொகுதி, Ontario மாகாணத்தின் Beaches-East York தொகுதி, Quebec மாகாணத்தின் Chicoutimi-Le Fjord ஆகிய தொகுதிகளில் இந்த இடைத் தேர்தல்கள் நடைபெறுகிறன.
இதில் Ontario, British Colombia தொகுதிகள் Liberal கட்சிக்கு பாதுகாப்பான தொகுதிகளாக கருதப்படுகின்றன.
இந்த இரண்டு தொகுதிகளில் அமைச்சர்கள் பதவி விலகிய நிலையில் இவை Liberal கட்சிக்கு மீண்டும் வெற்றியை தரும் என பரவலாக எதிர்பார்க்கப்படுகிறது.
தொடர்ந்து நான்கு முறை Conservative கட்சி வேட்பாளரை தேர்ந்தெடுத்த Quebec மாகாண தொகுதியை தொடர்ந்து தக்கவைத்து கொள்வதில் சிரமத்தை எதிர்கொள்ள கூடும் எனவும் எதிர்வு கூறப்படுகிறது.
British Colombia மாகாணத்தின் North Vancouver-Capilano தொகுதியின் நாடாளுமன்ற உறுப்பினர் பதவியில் இருந்து அமைச்சர் Jonathan Wilkinson விலகிய நிலையில் இந்தத் தொகுதி வெற்றிடமானது.
இங்கு LIberal வேட்பாளர் Braeden Caley, Conservative வேட்பாளர் Stephen Curran, NDP வேட்பாளர் Stephen Tweedale, பசுமை கட்சி வேட்பாளர் Shelley Luce போட்டியிடுகின்றனர்.
இந்த இடைத்தேர்தலில் மொத்தம் ஆறு வேட்பாளர்கள் போட்டியிடுகின்றனர்.
இது Liberal கட்சிக்கு ஓரளவு பாதுகாப்பான தொகுதியாக கருதப்படுகிறது.
Liberal கட்சி வேட்பாளர் Andrew Caley, Conservative கட்சி வேட்பாளர் Stephen Curran-னிடமிருந்து சவாலை எதிர் கொள்கிறார்.
Ontario மாகாணத்தின் Beaches-East தொகுதி நாடாளுமன்ற உறுப்பினர் பதவியில் இருந்து Nate Erskine-Smith விலகிய நிலையில் இந்தத் தொகுதி வெற்றிடமானது.
இங்கு LIberal வேட்பாளர் Tanveer Shahnawaz, Conservative வேட்பாளர் Jim Syrbos, NDP வேட்பாளர் Shannon Devine, பசுமை கட்சி வேட்பாளர் Bruce Livesey போட்டியிடுகின்றனர்.
இந்த இடைத் தேர்தலில் மொத்தம் ஆறு வேட்பாளர்கள் போட்டியிடுகின்றனர்.
இது Liberal கட்சியின் பாதுகாப்பான தொகுதியாகக் கருதப்படுகிறது.
Québec மாகாணத்தின் Chicoutimi-Le Fjord தொகுதி நாடாளுமன்ற உறுப்பினர் பதவியில் இருந்து Richard Martel விலகிய நிலையில் இந்தத் தொகுதி வெற்றிடமானது.
Richard Martel மேல் சபைக்கு தெரிவான நிலையில் பதவி விலகினார்.
கடந்த வசந்த காலத்தில், Conservative கட்சியிலிருந்து வெளியேறிய ஐந்தாவது நாடாளுமன்ற உறுப்பினர் இவராவார்.
இங்கு Liberal வேட்பாளர் Daniel Gobeil, Conservative வேட்பாளர் Régis Gaudreault, Bloc Québécois வேட்பாளர் Caroline Dubé, NDP வேட்பாளர் Raphaël Émond, பசுமை கட்சி வேட்பாளர் Nathe Perrone போட்டியிடுகின்றனர்.
இந்த இடைத்தேர்தலில் மொத்தம் ஆறு வேட்பாளர்கள் போட்டியிடுகின்றனர்.
இந்தத் தொகுதி இலகுவாக கணிக்க முடியாததாக கருதப்படுகிறது.
பிராந்திய அரசியல் மாற்றங்கள், அதனுடன் இணைந்து நடைபெறும் மிகவும் தீவிரமான மாகாணத் தேர்தல் பிரச்சாரம் ஆகியவற்றின் காரணமாக, Conservative கட்சியினர் இந்த தொகுதியை தக்க வைத்துக் கொள்ளப் போராடக்கூடும் என ஆய்வாளர்கள் தெரிவிக்கின்றனர்.
கோடைக் காலத்தின் இறுதியில் நடைபெறும் இந்த மூன்று இடைத் தேர்தல்கள், குறைந்த வாக்குப்பதிவு காரணமாக, கணிக்க முடியாத தன்மைக்கு பெயர் பெற்றவை என அரசியல் ஆய்வாளர்கள் குறிப்பிடுகின்றனர்.
ஞாயிற்றுக்கிழமை (30) நிலவரப்படி நாடாளுமன்றத்தில் ஆறு தொகுதிகள் வெற்றிடமாக உள்ளது.
171 உறுப்பினர்களுடன் Liberal கட்சி தொடர்ந்து பெரும்பான்மையைக் கொண்டுள்ளது.
Conservative 139, Bloc Québécois 21, NDP ஐந்து என ஆசன பகிர்வுகள் உள்ளன.
பசுமைக் கட்சியின் தலைவரான Elizabeth May, அக்கட்சியின் ஒரே பிரதிநிதியாக தொடர்ந்து நீடிக்கிறார்.
திங்கள் இடைத்தேர்தல் ஆறில் மூன்று தொகுதிகளை நிரப்பும் நிலையில் வரவிருக்கும் மாதங்களில் மேலும் மூன்று தொகுதிகளில் இடைத் தேர்தல்கள் அறிவிக்கப்பட வேண்டியுள்ள தேவை உள்ளது இங்கு குறிப்பிடத்தக்கது..
