CUSMA ஒப்பந்தத்தைப் புதுப்பிப்பதன் முக்கியத்துவத்தை கனடா, மெக்சிகோ தலைவர்கள் வலியுறுத்தினர்.
கனடிய பிரதமர் மெக்சிகோ ஜனாதிபதியுடன் வியாழக்கிழமை (20) உரையாடினார்.
வட அமெரிக்க வர்த்தகத்தை பாதிக்கும் தற்போதைய நிகழ்வுகள் குறித்தும் இரு தலைவர்களும் விவாதித்தனர்.
“வட அமெரிக்க வணிகங்கள், தொழிலாளர்களுக்கு அதிக உறுதியை அளிக்கும் வகையில், கனடா-அமெரிக்கா-மெக்சிகோ ஒப்பந்தத்தை விரைவில் புதுப்பிப்பதன் முக்கியத்துவத்தை இரு தலைவர்களும் வலியுறுத்தியதாக இந்த சந்திப்பு குறித்த கனடிய பிரதமர் அலுவலகம் தெரிவிக்கிறது.
காட்டுத்தீயை எதிர்த்துப் போராடுவதில் மெக்சிகோவின் ஆதரவு, எல்லை தாண்டிய வர்த்தகத்தில் ஏற்பட்டுள்ள முன்னேற்றம் குறித்து, மெக்சிகோ ஜனாதிபதி Claudia Sheinbaum-உடன் Mark Carney வியாழனன்று பேசினார்.
400-க்கும் மேற்பட்ட தீயணைப்பு வீரர்கள், துணைப் பணியாளர்களைப் பணியமர்த்தியதற்காக Mark Carney நன்றி தெரிவித்தார்.
இரு தலைவர்களும் நெருங்கிய தொடர்பில் இருக்க இந்த சந்திப்பில் ஒப்புக்கொண்டனர்.
