British Colombia வீதியில் விமானம் ஒன்று அவசரமாக தரையிறங்கியதில் ஒருவர் உயிரிழந்தார்.
விமானம் வீதியில் அவசரமாக தரையிறங்கியதில் வாகனங்கள் மீது மோதியதாக அதிகாரிகள் தெரிவித்தனர்.
இதில் வாகனங்களில் ஒன்றில் பயணித்த ஒருவர் உயிரிழந்தார் என்பதை RCMP அதிகாரிகள் உறுதிப்படுத்தினர்.
வியாழக்கிழமை (20) மதியம் வடக்கு British Colombia வீதியில் இந்த விமானம் அவசரமாக தரையிறங்கியது.
இந்தச் சம்பவத்தின் போது இரண்டு வாகனங்கள் சேதமடைந்ததாக அதிகாரிகள் கூறினர்.
விபத்து நிகழ்ந்த இடத்தில் அவசர மருத்துவ குழுவினர் பாதிக்கப்பட்டவர்களுக்கு சிகிச்சை அளித்தனர்.
இருப்பினும், விமானம் அல்லது வாகனங்களில் இருந்தவர்களில் எத்தனை பேர் காயமடைந்திருக்கலாம் என்பதை RCMP உறுதிப்படுத்தவில்லை.
இந்த சம்பவம் குறித்து British Colombia முதல்வர் David Eby இரங்கல் தெரிவித்தார்.
